Item goirt hanckairt in p(rese)ncia heeft gekint en(de) gelijdt dat/ hem als geleyt nae des(er) stat recht totten goeden have/ en(de) erve joes wijle(n) zedelers zijns behuwede zoens ende/ dewelke hij oick voirmaels beyde voe(r) en(de) naede doot van/ wile(n) des voirs(creven)n joes moeder tege(n) den selve(n) joese gecocht en(de)/ gecrege(n) hadde zijn recht actie en(de) kintsgedeelte va(n) alle(n) de(n)/ haeflijcke(n) goeden die hem toebehoiren(de) ware(n) en(de) v(er)schinen(de)/ va(n) ende naeder doot d(es) selver sijnd(er) moeder alsoe dat blijct/ bij div(er)sen getuygenisse(n) en(de) scepen(en) brieve(n) va(n) loven(e) beyde/ voe(r) en(de) naeder selver moeder doot d(aer)op gemaect Barbele/ zedelers suster des voirscr(even) joes weduwe gielijs wijlen/ vander stoet volcomelijck gecontenteert ende te vreden/ gestelt heeft ende allessins voldae(n) van alles des/ selfs joes kintsgedeelte der have(n) en(de) vliegen(de) erve/ voirscr(even) soe wel vanden vier schale(n) inden inve(n)tarijs/ tande(re)n tijden tusschen den kinde(re)n gemaect als van/ alle(n) den ande(re)n porceele(n) d(aer) inne begrepe(n) en(de) dewelke/ t(er) tijt vand(er) aflivich(eit) d(er) voirs(creven) moed(er) ware(n) in hande(n) der/ voirs(creven) barbele(n) Scelden(de) hun huer kinde(re) oire en(de) nacomeli(n)g(en)/ en(de) huer(er) ald(er) goede d(aer)aff en(de) vand(er) t(er)mi(n)acien tussche(n) hen/ d(aer)aff geg(even) xxiii junii lestled(en) en(de) van des dien ae(n)cleve(n)/ mach volcomelijck quite p(ro)mitt(ens) null(atenus) alloq(ui) cor(am) berge/ hove decembr(is) xx