Vander questien ende geschille geport tusschen goirde hanckart/ ter eender ende de weduwe gielijs wijlen vander stoct t(er) andere/ zijden voir meye(r) en(de) scepen(en) van loven(en) ende naderhant bijd(er) stat/ overgegeve(n) vanden selven scepen(en) ald(aer) de voirs(creven) goirt gesegt/ heeft yerst hoe hij geleyt was uuyt crachte va(n) scepen(en) brieve(n)/ tot joes wijle(n) zedelers goede den eene(n) van twee r(ijnsche) gul(den)/ erflijck ende den ande(re)n va(n) xii crone(n) eens welke beleyde voirs(creven)/ gesciedden a(nn)[o] lxxxi m(ar)tii xiii Voir welke gebreken de voirscr(even)/ goirt des voirs(creven) joes goeden hem hadde doe(n) leve(re)n ende bezund(ert)/ alsulke(n) have als onder de voirscr(even) weduwe wese(n) mochte d(aer)/ de voirscr(even) goirt p(re)tendeerde recht toe te hebben(e) dair zeke(re)/ inve(n)tar(is) in tijden voirleden af gemaect ware(n) bijder wet/ gheexhebeirt seggen(de) voirt de voirs(creven) goirt dat hij tande(re)n
//
tijden a(nn)[o] lxxii julii xxi inder levender tijt van joes moeder/ ende nader aflivich(eit) der selver zijnder moeder tegen de(n) selve(n)/ joese die gecocht hadde ende alle zij(n) actie en(de) recht maken(de)/ goirden d(aer) van mechtich(eit) die taenveerden(e) irrevocabil(ite)r/ beky(n)nen(de) hem d(aer)aff oick v(er)nuecht inder mate(n) de voirscr(even)/ goirt dat dede blijcken bijden scepen(en) brieve(n) d(aer)aff gemaect/ ende gepasseert vander daet voirscr(even) hopen(de) en(de) meynen(de)/ dat hij sculdich was mids dien allen ande(re)n creditue(re)n te/ p(re)cede(re)n vande welke(n) hem goirt gedroech totte(n) rechte/ p(rese)nte(re)nde zijn schulden te ve(r)ifice(re)n soe dat behoirde d(aer)/ tegen de weduwe voiscr(even) dede segge(n) met woirde(n) zonder/ dat te doe(n) blijcken alsoe geschiet te zijn in rechte dat/ zij alle de have d(aer)inne joes wijle(n) zedele(re) huer brued(er) gericht/ mocht wese(n) nae hue(re)r beyder moeder doot tegen hem gecocht/ hadde ende die betaelt d(aer)aff zij was in possessien behalve(n)/ twee schale(n) vanden vie(re)n inden inve(n)tar(is) begrepe(n) hopen(de)/ mids dien den voirscr(even) goirde te p(re)cede(re)n ende dat in/ op huer en(de) opde voirs(creven) have v(er)doelt wae(re) op dwelck/ goirt r(e)pliceerde seyt dat zij dat ne(m)m(er)meer en soude(n) doen/ blijcken de voirs(creven) goede tegen hue(re)n brued(er) gecocht te hebben(e)/ oick en was hij dier niet mechtich mair wae(re)n al segwoird(en)/ om hem te fraude(re)n ende die voer te houden(e) Ende als/ vander possessien die zij huer seyde te hebben(e) d(aer)op seyde/ goirt dat zij goet hadde de possessie te hebben(e) want de/ moeder des voirs(creven) joes tot hue(re)n huyse woende en(de) storf/ bliven(de) bij zijne voirscr(even) conclusie Es get(er)mineert ende/ den voirs(creven) p(ar)tien uuytgesproken voe(r) recht nae dien dat/ de voirscr(even) wethouders naeden rapporte d(er) scepen(en) d(aer)op/ rijpelijck gelet hadden dat goirden hanckairt nae alle/ voirhandelingen gesciet tussche(n) joese voirs(creven) en(de) he(m) voe(r) scep(enen)/ va(n) lov(ene) dair van gebleken is sculdich zijn te volgen(e)/ de haeflijcke goede dair questie af is en(de) zijne(n) beleyde
//
ende oick tpaert ende gedeelte desselfs vand(er) scalen ind(e)/ inve(n)tar(is)begrepen opte p(rese)ntatie bij hem gep(rese)nteert/ van zijnder schult te laten te baten te comen(e) bij ve(r)ificere(n) ter/ plaetsen dair dat behoirt in (con)s(ili)[o] opid(i) junii xxiii