Item de voirs(creven) arnt hoevairt heeft gecleert bij zijne(n) eede/ wettelijck ten heijligen dat hij voir janne vand(en) velde zijne(n)/ behuwede(n) zone en(de) als zijn borge va(n) v(er)loope en(de) acht(er)stellige/ pachte d(er) lijfpen(sie) dair voe(r) tvoirscr(even) beleyt geschiet es/ betaelt heeft thien r(inssche) gul(den) en(de) oick vand(en) p(ri)ncipale(n)/ x rinssche guld(en) bove(n) en(de) zonder de costen inder saken/ gelope(n) ende dat hij de voirscr(even) goede d(air)voe(r) heeft/ doen v(er)coope(n) ende ten hoochsten bringen mett(er) berrende(n)/ keersen nae voirgaen(de) gebode dairop behoirlijck/ gedaen om de selve zijn schulden dairaff hij/ alsnoch onvoldaen is dairaen te verhalene/ ende dat die goede boven co(m)mer dair uuytgaende/ niet meer gegouden en hebben dan x rijders te xxv st(uvers)/ drie pl(a)c(ken) voir elken stuver eis(dem)