Want peter piret als geleyt nae deser stat recht voir zij(n)/ wettich gebreck tot allen den goeden beyde have en(de) erve/ lamberts wijle(n) spilhou rijners wile(n) del motte en(de) wille(m)s del/ haye wair die gelege(n) zijn hem oft tybaute steenwegs/ d(er) stat bode in zijne(n) name alle de selve goede met brieve(n)/ van des(er) stat gescr(even) aenden meye(r) va(n) meleyn oft zijnen/ stedehoude(r) heeft doe(n) leve(re)n ende dach va(n) rechte doe(n)/ beteeken(en) den voirs(creven) willem(me) lieberte liebart als mo(m)boirs/ d(er) kinde(re)n lamberts spilhou en(de) reyne(re)n del motte oft zij/ tege(n) de voirscr(even) leveringe yet hadden wille(n) allige(re)n Tot/ welke(n) dage de als op hede(n) dienen(de) de voirs(creven) p(er)sone/ noch procur(eur) va(n) hue(re)n wege(n) gecompareert en is de(n) voirs(creven)/ / geleyden trecht voirt versueken(e) soe v(er)re dat de scepen(en)/ van loven(e) t(er) manissen smeyers gewesen hebben voir een vo(n)nisse/ nae dat hen behoirlijck heeft gebleken bij rappoirte des voirscr(even)/ tybauts de voirscr(even) leveringe en(de) dach besceydinge geschiet te/ zijne wair de wed(er)p(ar)tie vanden geleyden niet en compareert/ voe(r) den opstane smeyers en(de) d(er) scepen(en) datme(n) den voirscr(even)/ geleydden vand(en) voirs(creven) goeden houde(n) soude inde macht va(n) zijn(en)/ beleyde scep(enen) br(ieven) en(de) leveringe(n) alsoe v(er)re alst noch voir hen/ come(n) was in scampno aug(usti) penult(ima)