Nae dien dat bevonden es bijden he(re) en(de) der stadt dat een geheet(en)/ jan de scherme(re) omgaen(de) mett(er) meerssen alh(ier) bracht en(de) v(er)cocht heeft/ / zeker goet van silve(re)n juweelkens en(de) ande(re) dair inne bevonden es/ bijden meest(er)s vanden silve(re)n smeeden div(er)se letsele van niet/ costbair te sijne soe is bijden rade vand(er) stadt geordineert/ en(de) overdragen dat tselve goet navolgen(de) der ordinan(cien) en(de) der/ rollen der selv(er) meest(er)s te nyeute sal wordden gedaen en(de) geca(n)telleert/geert soe dat nae den inhouden d(er) selv(er) rollen behoirt Es voirt/ overdragen dat de selve hue(r) rolle in alle en(de) hue(r) yegewelke/ hue(re)n pointen sal wordden onv(er)brekelijck ond(er)houden zond(er) dissimu/ latie Behalve(n) in desen den ambachte vanden cremers huer recht/ van huer(en) rollen ende eene(n) yegelijken sijne(n) rechte altijt t(er) mode(r)atien/ en(de) discretien vand(er) stadt vanden welken de he(r) ende de stadt den/ selven meeste(re)n toegeseecht hebben de hant dair aen te houden te/ dien ynde dat alle valscheyt die in dien stucken ende dier gelijken/ souden moegen gebue(re)n in des(er) stadt en(de) vrijheit verhuedt mach/ blive(n) ten voirdele en(de) prouffijte vanden gemeyne(n) ingeseten(en)/ d(er) selv(er) stadt in (con)silio opidi julii iii