Nae dien dat op heden bijden raide vand(er) stadt jan van borre t(er)/ eende(r) en(de) willem va(n) leefdale t(er) ande(re) vergadert zijn geweest ald(air)/ de selve van borre versocht want willem in tijden voirleden in tijts/ de pe(n)ni(n)gen onder hem sijnde niet uutgereyct en hadde om aff te/ leggen(e) alsulken rinte van x gouden rijnssche gulden(en) aen meest(er)/ clase va(n)d(er) uutrecht vucht van wege(n) jans van cuyct geheete(n) van/ hoochstrate(n) loopen(de) de voirs(creven) pe(n)ni(n)ge ond(er) willem(me) wesen(de) tot/ lxxxviii r(inssche) gul(den) v(er)sueken(de) alsoe dat wille(m) nae advena(n)t/ van dien he(m) opleggen soude de verloopen rinte aende(n) selven/ meest(er) clase v(er)schene(n) want hij die betailt hadde dwelc de voirs(creven)/ willem genoech bekint heeft alsoe geschiet te sijne en(de) heeft alsoe/ geloeft t(er) p(rese)ntien vanden raide mette(n) voirs(creven) ja(n)ne dair aff tov(er)/ comen(e) en(de) zijne(n) goeden moet te crijgen in (con)silio opidi julii xiiii