Opde calangie bij janne va(n) bolloe voirtgestelt tegen dat/[daen]sprake die op hem doen woude gielijs de roeve(re) van/ seke(re)n injurien he(m) bijden selven meynen(de) de selve va(n) bolloe/ want hij sijn aensprake va(n) injurie(re)n hem bijden selve(n) gielise/ gedaen selve hadde gedaen op hem en(de) hij dair inne tot/ sijne(n) thoene dair aff den dach op heden diende en(de) dair/ mede hij p(rese)nteerde voirt te varen was gewesen dat de/ selve roeve(re) cesse(re)n en(de) verhouden soude met sijnd(er) vorderinge(n)/ tot dat sijn sake die corts innegesteken en(de) op hue(re)n thoen/ gewijst was beslicht soude sijn dair tegen de voirs(creven) gielijs/ de cont(ra)rie sustine(re)nde dede seggen dat hij te vreden/ wa(r)e janne te laten voirt varen met sijne(n) thoene ende/ en woude hem dien niet scutte(n) noch beletten mair hij/ sustin(eer)de want nu eene(n) ghichtdagh wae(r) en(de) oft die sake/ nu niet voirgestelt en wordde dat hij dan vanden injurien/ hem gedaen soude moete(n) vertuene(n) totte(n) naiste(n) ghicht dagen/ nae bamisse des alsoe niet behoiren en soude Es gewijst/ bij scepen(en) van loven(e) t(er) manissen smeyers dat gielijs de/ roevere met sijnd(er) aenspraken sal moegen voirtva(r)en niet/ tegenstaende der calangien in scampno cor(am) boxhoren/ hoeven vynck tybe julii ix