Nae dien dat bijden raide vand(er) stat op heden clachtich come(n)/ es jouffr(ouwe) katlijne van langrode weduwe jans wijlen de witte/ gevende te kynnen hoe dat sij eene(n) geheeten jan speelberchs/ plecke(r) gehuert hadde en(de) met he(m) ov(er)come(n) dat hij huer werck/ maken en(de) met soude staen(de) inde borchstrate totten ynde des/ selfs om seke(re)n prijs en(de) huere soe sij ov(er)come(n) wa(r)en dwelc/ hij weyg(er)t te doen(e) versueken(de) alsoe den selve(n) dair toe be/ dwongen te wordden met rechte Dair tegen de selve jan/ genoech bekynnen(de) de hue(re) en(de) vorweerden geschiet te sijne ter/ ande(re) sijden seyt hoe dat de voirs(creven) jouffr(ouwe) niet gestaden en/ woude oft ae(n)nemen dat een sijn knape he(m) dienen soude/ sond(er) den welken hij niet gewerken en conste en(de) dat/ mits dien dat sij den selve(n) sijne(n) knape niet geven en/ woude alsulken hue(re) en(de) solar(is) als hij tande(re)n tijden en(de) plaetse(n)/ wynnen(de) was begheren(de) alsoe vander selv(er) jouffr(ouwen) alsoe ontslage(n)/ te wordden dair inne de voirs(creven) jouffr(ouwe) niet consente(re)n en/ woude Es uutgesproken en(de) get(er)mineert den voirs(creven) p(ar)tien opde/ voirs(creven) geschillen dat de voirs(creven) jan sculdich sal sijn der voirs(creven)/ jouffr(ouwen) werck te voldoen(e) navolgen(de) der hueringen sond(er) e(n)nich/ ander taenveerden en(de) dat de weduwe aenveerden sal den/ knape dair van questie es op alsulken solar(is) als hij elders wy(n)ne(n)/ mach oft den voirs(creven) ja(n)ne der come(n)scap verdragen Act(um)/ in consilio opidi julii ix