Want jouffr(ouwe) m(ar)griete vand(er) paelt als geleyt nae des(er) stat recht/ voir huer wettich gebreck tot alle(n) den goede(n) have en(de) erve uuyt crachte/ van scepen(en) brieve(n) va(n) loven(en) arnts vander balct wair die gelege(n)/ zijn huer oft giel(is) eveloge d(er) stat bode in hue(re)n name alle de/ selve goede heeft doe(n) leve(re)n met brieve(n) van des(er) stat gescr(even) aende(n)/ meye(r) vander ghete(n) oft zijne(n) stedehoude(r) ende dach va(n) rechte/ doen beteeken(en) den voirs(reven) arnde en(de) zijne(n) wi(n)ne oft zij tege(n) de leveri(n)ge/ yet hadden willen allige(re)n Tot welken daghe de selve arndt/ noch zij(n) wi(n)ne noch p(ro)cur(eur) va(n) hue(re)n wege(n) gecompareert en is/ den voirs(creven) procur(eur) joffr(ouwe) m(ar)grieten trecht voirt versueken(de) soe/ v(er)re dat de scepen(en) van loven(en) t(er) manisse(n) smeyers gewesen hebben/ voir een vo(n)nisse nae dat hen behoirlijck heeft geblek(en) bij/ rappoirte des voirs(creven) gielis eveloghe de voirs(creven) leveringhe/ en(de) dach bescheydinge gesciet te zijne wair de wed(er)p(ar)tie/ vanden geleyden niet en compareert voe(r) den opstane/ smeyers ende der scepen(en) datmen den voirscr(even) geleyd(en)/ vand(en) voirscr(even) goeden houden soude inde macht van zijne(n)/ beleyde scepen(en) brieve(n) en(de) leveringe(n) alsoe v(er)re alst noch voir/ scepen(en) come(n) is in scampno cor(am) scab(inis) octobr(is) vi