Vander aenspraken die libert de fraisne gedaen heeft voir meye(r)/ ende scepen(en) van loven(en) inde banck op henry de pont ald(air)/ hij dede lesen een proces ende hoot vo(n)nisse bedinct voir/ scepen(en) van orbaix tusschen de selve p(ar)tien dair deselve libert/ oick aenlegge(r) was ende versocht dat de selve henr(y) zijn/ handen lichten soude van eene(n) huyse ende gelege ald(air) gelege(n)/ den selve(n) libeerde soe hij seyde toebehoire(n)de ende onder den/ ande(re)n eene clausele int selve p(ro)ces begrepe(n) d(air)mede de/ selve henrick hem beholpen hadde met eend(er) zekerder/ wisselingen die hij seyde geschiet te zijne vanden voirscr(even)/ erve ende gelege ende dat de voirs(creven) libeert d(air)voe(r) hadde/ gehadt twee mudde(n) corens erflijck ende dat gelesen zijnde/ hoepte hij dat deselve henrick schuldich soude zijn mids/ zijnder ky(n)nissen vander wisselinge(n) voirscr(even) ende wa(n)t hij hem/ mett(er) selv(er) wisselinghen tot orbaix hadde beholpe(n) bewijssenisse
//
te doen(e) waer hem de voirscr(even) twee mudden core(n)s ware(n)/ voldaen want hij niet en bekinde dair yet voe(re) gehadt/ te hebben(e) met meer woirden bijden selve(n) gealligeert d(air)/ tegen de voirscr(even) henry de pont hem v(er)antw(er)den(de) dede/ lesen een zeker contract vanden huwelijcke tande(re)n tijde(n)/ geschiet bij mag(en) ende vrienden tusschen collarde da(m)hey/ ende pasquet de trayne dair inne onder den ande(re)n/ genoech bleeck zoe v(er)re die gehuysschen storve(n) zonder/ wettige gebuerte dat in dien gevalle deen helcht vand(en)/ voirs(creven) gehuyssche(n) v(er)cregen(e) goeden gaen souden tot zijne(n) naeste(n)/ vriende(n) ende tderdendeel vander ander helcht totten kinde(re)n/ gerarts dodenguez d(air)aff hij herra de pont een vanden naeste(n)/ leven(de) was oft actie bij v(er)crige ende dande(re) twee derdendele/ vander selver ande(re) helcht totte(n) naeste(n) leven(de) d(er) voirs(creven) paessche(n)/ ende alsoe hoopte hij te bewijsen(e) de(n) voirs(creven) libeerde met/ zijne(n) v(er)crige oft v(er)sterffenissen in dien die gelegen was te/ bonlez gedragen(de) twee mudden corens erflijck voir zijn p(ar)t/ den voirs(creven) liebeerde vanden voirscr(even) huyse ende geleghe/ d(air) voe(re) gewisselt zijnde genoech gedaen te hebben(e) met/ meir woirden bijden voirscr(even) p(ar)tien in wed(er)zijde(n) geallig(eer)t/ es bijden scepen(en) t(er) manissen smeyers uuytgewese(n) voir/ een vo(n)nisse dat den voirscr(even) verweerde(r) sculdich soude/ zijn te doene bewijssenisse wair hij den voirs(creven) aenlegge(r)/ de twee mudden corens d(aer) questie aff is bewese(n) heeft/ oft d(air) voe(r) inne te stane nader ky(n)nissen inden voirscr(even)/ p(ro)cesse bij hem gedaen in scampno octobr(is) p(ri)ma