Opt tgeschil gecome(n) op heden bijde(n) rade vander stat tussche(n)/ he(re)n mathise de hane p(ri)este(r) als momboir d(er) kinde(re)n wile(n) meest(er)/ matheeus de layens der stat meest(er) t(er) eender en(de) janne de drossete/ wonen(de) te humelghem oft d(air)omtrint als va(n) zeke(re)n erfpachte(n) in/ coren(en) die de voirs(creven) h(er) mathijs yesch v(er)lope(n) va(n) zeke(re)n t(er)mijne(n)/ va(n) jare(n) als hij seyde verpant op zeke(r) erfgronden die de/ voirs(creven) jan ontkinde den selve(n) e(n)nichssins sculdich te zijne voirde(r)/ beky(n)nende dat hij den voirs(creven) kinde(re)n tachte(r) mocht wese(n) va(n) drie/ r(inssche) guld(en) lijfp(ensien) van drie jae(re)n v(er)lope(n) t(er) so(m)me(n) va(n) ix r(inssche) gulden(en)/ en(de) noch iiii stuv(er)s eens va(n) outs die hij p(rese)nteerde den selve(n) te
//
betalen(e) zonder dat hij voirde(r) inden voirs(creven) kinde(re)n gehouden/ wae(re) d(air) hij p(rese)nteerde genoech voe(r) te doen(e) met meer woird(en)/ Es geappointeert dat de voirs(creven) h(er) mathijs ale vand(en) erfpachte/ vanden leste(n) jae(r) soude(n) moege(n) volgen zijne(n) gront d(air) en(de)/ alsoe dat behoirt en(de) als vanden ande(re)n jae(re)n d(air) te vore(n) hadde jan/ hem d(air)van verloeft dat hij den selve(n) volgen mochte op dat/ hem geliefde nae recht soe dat behoirt naeder stat recht ende/ als vand(en) ix rinsche iiii st(uvers) eens dat de voirs(creven) jan in dien/ d(air)mede gestaen soude in cons(ili)[o] op(idi) octobr(is) xix