Vanden questien die voe(r) den rade vand(er) stat come(n) zij(n) tussche(n)/ diericken oliviers als procur(eur) jacops zijns zoens nae des(er) stadt
//
recht come(n) ende geleyt zijnde totten goeden have en(de) erve/ willems vuyen ende den welken de selve goede namelijck/ de xxvi r(insche) gul(den) eens bijde(n) voirscr(even) willem(me) onder de wet va(n)/ erps tot des voirs(creven) jacops behoeff oft des gheens d(air)toe recht/ hebben(de) gesedt mids contu(m)acien en(de) niet comparicie(n) des voirs(creven)/ willems bij scepen(en) va(n) loven(e) voirmaels aengewese(n) zij(n) t(er) eend(er)/ Ende rolove lanshee(re) als meye(r) g(oir)de de cuype(re) en(de) matheeuse/ de kempene(re) scepen(en) va(n) erps onder de welke de voirs(creven) xxvi/ r(insche) gulden(en) gesedt ware(n) hen toegevueght jan wille(m)s lieuxten(ant)/ smeyers va(n) loven(e) t(er) ande(re) aldair de voirs(creven) meye(r) va(n) erps/ exhibeerde twee missive(n) va(n) deser stat deene d(air)mede hem/ versocht wert acht(er)volgen(de) der voirs(creven) scepen(en) va(n) loven(e) vo(n)nisse/ den voirscr(even) geleyden te houde(n) inden gebruycke en(de) possessie(n)/ der voirscr(even) goede namelijck vand(en) voirscr(even) xxvi r(insche) gul(den)/ en(de) dat hij hem die liet en(de) dede volge(n) en(de) den ande(re)n dair/ mede de selve meye(r) want hij des mette(n) yerste(n) brieve/ niet gedaen en hadde and(er) werff versocht wert dat te doen(e)/ oft alh(ier) te come(n) reden(en) allige(re)n wairo(m)me hij des niet en/ hadde gedae(n) en(de) gelesen zijnde sustin(eer)de de geleyde alnoch/ dat hem dat acht(er)volgen(de) den voirs(creven) vo(n)niss(e) sculdich was alsoe/ te geschien den voirs(creven) meye(re) va(n) erps en(de) lieuxten(ant) smeyers/ va(n) loven(e) de (contra)rie sustineerde te voirder want p(ar)tien voirmaels/ in submissien ware(n) getreden en(de) vander zijden des voirs(creven) geleyden/ zeke(re) gebreke(n) ware(n) gebuert wair bij de selve geleyde acht(er)vellich/ was geworde(n) vander saken ende mids dien gevalle(n) in zekere/ pene(n) ende banduyne(n) d(air)voe(r) doffic(ie)r van erps voirs(creven) de voirscr(even)/ pe(n)ni(n)ghe gerasteert hadde meynen(de) dien voir al te v(er)halen(e) en(de)/ vanden selve(n) pe(n)ni(n)gen te neme(n) te voirde(r) want de voirscreve(n)/ lieuxten(ant) p(rese)nteerde te thoene(n) dat de voirscr(even) jacop hem geloeft/ hadde dien te betale(n) met meer woirden en(de) informacien int/ lange ov(er)gegeve(n) d(air)tege(n) de geleyde t(er) (contra)rien allige(re)nde seyde/ dat die rasteme(n)ten totten uuyte(r)ste(n) vo(n)nisse incluys niet en/ ware(n) v(er)volcht noch dat d(air)op gheen uuyt(er)lijck vo(n)nisse
//
en is gegeve(n) e(m)mer hij en heeft te vore(n) totte(n) selve(n) pe(n)ni(n)g(en)/ geleyt geweest en(de) hoept dat zij(n) zone in gheene(n) banduyn/ gevallen en is oick en was uuyt(er) submissien gheene uutsp(ra)ke/ gevolcht mair was die submissie in huer selve(n) doot en(de)/ geexpireert en(de) ontkinde e(n)nige geluefte bij zijne(n) zone/ gesciet te zijne seggen(de) hadde hij hem yet geloeft hij/ open(de) hem d(air)aff trecht bij alsoe hem zij(n) pe(n)ninge volghen/ mochten wair bij en(de) bove(n) al mids zijne(n) voirs(creven) gewijsden/ vo(n)niss(e) ende execucie(n) hij tendeerde tot zijnd(er) voirscr(even)/ conclusien Es get(er)mineert en(de) uuytgesproken voir recht/ dat den voirscr(even) geleyden de voirs(creven) pe(n)ni(n)ge va(n) xxvi r(insche)/ gul(den) dair questie af is volge(n) sulle(n) acht(er)volgen(de) den vo(n)nisse/ der scepen(en) va(n) loven(e) Ende hebbe(n) de meye(r) va(n) loven(e) oft/ de meye(r) va(n) erps e(n)nich gebreck va(n) banduyne(n) dat zij die(n)/ volgen moege(n) met rechte In cons(ili)[o] op(idi) septembr(is) xvi