Want dierick oliviers als procur(eur) jacops zijns zoens geleyt/ zijnde nae deser stadt recht tot allen den goeden beyde/ have ende erve willems vuyen zoe wair die gelege(n) zij(n)/ hem alle de selve goede met oepen(en) brieve(n) gescreve(n)/ aen alle officie(re)n ende bezundert aenden meye(r) va(n) erps/ heeft doen leve(re)n ende dach va(n) rechte doen beteeken(en)/ den selve(n) willem(me) oft hij tegen deselve leveringhe yet/ hadde willen allige(re)n Tot welken daghe de selve/ willem noch procur(eur) van zijne(n) wege(n) gecompareert en is/ den voirscr(even) geleyden trecht voirt versueken(de) soe v(er)re/ dat de scepen(en) va(n) loven(en) t(er) manissen smeyers gewesen/ hebbe(n) voir een vo(n)nisse [nae dat hen heeft geblek(en) (et)c(etera)] wair de wed(er)p(ar)tie vande(n) geleyd(en)/ niet en compareert voe(r) den opstane tsmeyers ende d(er) scep(enen)/ datmen den voirscr(even) geleyden vanden voirscreven(en) goede(n)/ houden soude inde macht van zijnen beleyde scepen(en)/ brieve(n) en(de) leveringen alsoe v(er)re alst noch voir hen/ come(n) was in sca(m)pno cor(am) scab(inis) octobr(is) viii