It(em) jan grootheyns wonen(de) te bevekem heeft gelooft henricke/ van raveschote sone henricx dat hij den selve(n) henricke den/ vader sijnen leefdach lanck houden sal in redelijcker wijs van/ eten drincken liggen(e) sitten(e) cleede(re)n en(de) schoenen en(de) van allen/ ande(re)n nootdorsten den selven henr(icke) sijne(n) duerdach dueren(de)/ behoeven(de) Ende des sal de selve jan grootheyns aenveerden/ t(er) stont mette(n) selven henr(icke) alle desselfs henr(icx) beruerlijcke/ en(de) haeflijcke goede om d(aer) mede te doen(e) sijne(n) vryen/ eygen(en) wille sond(er) yema(n)ts wed(er)segge(n) en(de) dair toe noch/ jairlijcx heffen vier rijders te xxv st(uvers) iii pl(a)c(ken) voe(r) den st(uver)/ opde goede desselfs henr(icx) gelege(n) te wynge cor(am) pynnock/ thenis januarii v[ta]