Want henrick vander bruggen geheeten metten gelde als/ geleyt nae deser stadt recht voir sijn wettich gebreck uut/ crachte van seke(re)n vo(n)nissen der scepen(en) van loven(e) tot allen/ den goeden beyde have en(de) erve willems gheerts soe wair/ die gelegen sijn hem oft cornelijse reyns des(er) stadt bode/ in sijne(n) name en(de) tot sijne(n) behoef met brieve(n) van des(er) stat/ gescreven aende(n) meye(r) van he(re)nt oft sijne(n) stadhoude(r) te/ thieldonck alle de selve goede behoirlijck heeft doen leve(re)n/ ende den selve(n) willem(me) gheerts dach van rechte doen/ besceyden te compare(re)n alhier inde banc voir meye(r) ende/ scepen(en) oft hij hem tegen de voirs(creven) leveringe e(n)nichssins/ hadde willen oppone(re)n Tot welken dage noch oic op/ heden als ten v(er)streken(en) daghe van rechte hij niet gecompar(er)t/ en es noch p(ro)cur(eur) van sijne(n) wegen den voirs(creven) geleydden com/ pare(re)nde ende trecht voirts v(er)sueken(de) Soe hebben scepen(en)/ van loven(e) ter manissen smeyers nae dat hen bij raporte/ des voirs(creven) boden behoirlijck hadde gebleken de voirs(creven) executie/ geschiet te sijne gewesen voir een vonnisse soe v(er)re/ de wed(er)p(ar)tie vanden voirs(creven) geleydden niet en q(ua)me ten/ opstane van meye(r) en(de) scepen(en) dat men den voirs(creven) ge/ leydden vanden voirs(creven) goeden houden soude inde macht/ van sijne(n) voirs(creven) scepen(en) brieve(n) van loven(e) alsoe v(er)re alst/ noch voir scepen(en) comen es in scampno januarii xxiii