Want meest(er) lodewijck roelants doctoir in loyen die uut crachte/ van scepen(en) brieve(n) van loven(e) houden(de) en(de) heffende es eene erfrinte/ van xix rinssche gulden(en) en(de) ii st(uvers) aen en(de) op thoff mette(n) huyse(n)/ hoven wynnen(de) landen beemden eeusselen en(de) allen sijne(n) toebeh(oirten)/ gelegen ond(er) v te ganspoele en(de) d(aer) omtri(n)t houden(de) xxiii dach(mael)/ en(de) xxv roeden lants en(de) xxiii dach(mael) soe beemts soe eeussels/ hem met brieve(n) van des(er) stadt gescr(even) aenden drossete va(n) rotselair/ oft sijnen stadhoude(r) alle de selve goede en(de) ond(er)pande behoirl(ic)/ heeft doen leve(re)n en(de) dach van rechte doen besceyden ja(n)ne vand(er)/ stoct en(de) sijne(n) wynne t(er) voirs(creven) plaetsen te (com)pare(re)n alh(ier) inde/ banc voir meye(r) en(de) scepen(en) van loven(e) bij alsoe sij hen tegen/ de leveri(n)ge hadden willen oppone(re)n Tot welken dage noch/ oic op hede(n) als ten v(er)streken(en) dage va(n) rechte sij niet geco(m)/ par(er)t en sijn den voirs(creven) hee(re)n lo en(de) meest(er) lodewijke oft sijne(n)/ p(ro)cur(eur) (com)pare(re)nde en(de) trecht voirt versueken(de) Soe hebben/ scepen(en) van loven(e) t(er) manissen smeyers nae dat hen bij resc(ri)pte/ jans cleynairt drossete va(n) rotselair voirs(creven) behoirlijck hadde/ gebleken de leveri(n)ge en(de) den wynne dachbesceydinge geschiet/ te sijne als voe(r) gewesen voir een vo(n)nisse soe v(er)re de/ wed(er)p(ar)tie des voirs(creven) he(re)n en(de) meest(er) lod(ewijx) niet en q(ua)me ten opstane/ smeyers en(de) der scepen(en) dat men den selven meest(er) lodewijke/ vande(n) voirs(creven) goeden en(de) onderpanden houden soude inde/ macht van sijne(n) voirs(creven) scepen(en) brieve(n) van loven(e) alsoe v(er)re/ alst noch voir hen come(n) es In scampno aug(usti) xxvi