Vand(er) aenspraken die steven steckart gedaen heeft tot/ jacoppen oliviers poirte(r) van loven(e) vand(er) pachtingen d(er)/ moelen desselfs stevens te berthem gelegen d(aer)aff hij/ v(er)sochte te hebben(e) rekeni(n)ge bewijssenisse en(de) betalinge/ vanden selve(n) jacoppe e(m)mer vanden voirleden(en) tijde tot/ kersmisse toe lestlede(n) eycluys besundert vanden lesten/ vierdel jairs van dien jae(re) d(aer)aff hij alnoch soe hij seyde/ ombetailt was hopen(de) dat hem die gebue(re)n soude/ ende dat de selve jacop d(aer)entinde(n) he(m) trest van/ dien uutreycken en(de) oplegge(n) en(de) betalen soude hem/ des gedragen(de) totte(n) rechte Dair tegen de voirs(creven)/ jacop t(er) (contra)rien he(m) v(er)antweerden(de) dede seggen dat hij/ niet sculdich en wae(re) e(n)nige rekeni(n)ge d(aer)aff te doen(e)/ te voirde(r) wa(n)t hij boet te bewijsen dat hij tande(re)n/ tijden d(aer)aff gerekent hadde en(de) mette(n) selve(n) steven(e)/ ov(er)come(n) was en(de) dat in dier rekeni(n)gen en(de) over/ comen(e) bevonde(n) was dat de selve jacop hem/ totte(n) selve(n) tijde va(n) kersmisse toe lestleden voldaen/ en(de) betailt hadde tot op ond(er)half mudde corens nae/ Ende dat ald(aer) v(er)rede(n)t was dat den selve(n) jacoppe/ tafslage come(n) soude(n) en(de) cortte(n) aende selve i(½) mudde/ corens viii stuv(er)s eens die de selve steven hem sculd(ich)/ was en(de) dat die rekeni(n)ge zee(r) corts geschiet was/ viii oft xiiii dagen voe(r) den selve(n) kersmisse en(de) dat/ inden sinte jorijs inden wyerinck des omtri(n)t twee/ maende(n) geleden mocht sijn de voirs(creven) p(ar)tien v(er)gadert
//
hadden geweest om te reken(en) vanden tijde van kersmisse lestled(en)/ herweerts en(de) dat de selve steven dair alsdoen bekinde dat/ dair niet voird(er) noch meer te reken(en) en was dan van kers/ misse lestleden herweerts en(de) dat mits seke(re)n invalle/ oft twijdrachte de voirs(creven) rekeni(n)ge alsdoen bleef hangen(de)/ ombeslicht Hopende de selve jacop dese pointe(n) bij steven(e)/ bekint oft mits sijnen ontkinnen(e) bij hem gethoent dat/ hij mits voldoen(e) vande(n) reste voirs(creven) d(er) aenspraken onge/ houde(n) soude sijn de selve steven replice(re)nde en(de) jacop/ duplice(re)nde soe v(er)re dat de voirs(creven) jacop tot sijnen thoen(e)/ gewijst sijnde genoech thoende al tgene des hij hem gelijc/ voe(r) v(er)mete(n) hadde En(de) dat scepen(en) voirt ind(er) saken/ p(ri)ncipael gemae(n)t wijsden met vo(n)nisse dat de voirs(creven)/ jacop gestaen soude met te betalen(e) ond(er)half mudde/ core(n)s vande(n) pachte v(er)schene(n) vand(er) voirs(creven) moelen tot/ kersmisse lestleden excluys d(aer) questie af is dair aen/ hem gecort sullen wordden en(de) tafslage come(n) de voirs(creven)/ viii st(uvers) die steven hem sculdich was nae dat de wairh(eit)/ gedragen heeft in sca(m)pno dece(m)br(is) ii