It(em) merten en(de) jan daymi(n)ne gebruede(re)n sone(n) wijlen jans/ die den voirs(creven) ja(n)ne de mortsain sculdich wa(r)en een mudde/ core(n)s erfl(ic) oft de weerde d(aer)aff te bevestigen in p(rese)ntia/ hebben uutgegeve(n) en(de) bekint uutgegeve(n) te hebben(e) den/ voirs(creven) henr(icke) boyfort een stuck lants houden(de) een boend(er)/ oft d(aer) omtri(n)t paulo alsoet gelege(n) es te g(ra)ve(n) t(er) plaetse(n)/ geh(eten) buere tussche(n) de st(ra)te gaen(de) te beghij(n)hove weert ald(aer)/ en(de) de goede wijlen henr(icx) de pont Te houde(n) en(de) te hebben(e)/ va(n) s(in)[te] andriesmisse lestlede(n) eene(n) t(er)mijn va(n) xii ja(r)en v(er)vol/ gen(de) deen nae dande(r) sond(er) middel elcx jairs d(aer)enbynne(n)/ om en(de) voe(r) een mudde corens pag(abilis) cu(m) va(n)no et pe(n)na/ pacht en(de) mate va(n) loven(e) s(in)[te] andriesmisse apostels te/ betalen(e) en(de) te g(ra)ven voirs(creven) te leve(re)n quol(ibet) ass(ecutu)[m] Met (con)dicie(n)/ en(de) vorweerde(n) dat de voirs(creven) henr(ick) boyfort vande(n) jairlijcsche(n)/ pachte aende voirs(creven) gebruede(re)n vande(n) mudde core(n)s onge/ houde(n) sulle(n) [sal] sijn soe langhe en(de) tot aen d(er)re tijt toe dat/ sij hem gegeve(n) sulle(n) hebben xviii pet(er)s eens [te liiii pl(a)c(ken) tstuck] en(de) die ge/ gegeve(n) en(de) hem betailt sijnde sal hij jairlijcx den voirs(creven) t(er)mij(n)/ due(re)nde de(n) voirs(creven) pacht vande(n) mudde core(n)s den gebruede(re)n/ sculdich sijn te betalen(e) En(de) in gevalle sij de selve xviii pet(er)s/ bynne(n) den voirs(creven) xii ja(r)en niet en betailde(n) als voe(r) soe sulle(n)/ sij gehoude(n) sijn den voirs(creven) ge henricke oft sijn nacomelinge(n)/ en(de) oir sijns gebreken(de) de selve xii jair lede(n) sijnde te gouden(e)/ en(de) te vestige(n) voir hoff en(de) hee(re) d(aer)aff men de goede houden(de)/ es int voirs(creven) stuck lants sond(er) e(n)nige(n) [pacht] pe(n)ni(n)ge(n) oft voird(er)
//
p(ro)uffit d(aer)aff te heffe(n) en(de) te hebbe(n) It(em) es vorweerde dat/ de voirs(creven) henr(ick) jairlijcx bove(n) tvoirs(creven) mudde core(n)s sculd(ich) sal/ sijn te betalen(e) en(de) te dragen(e) den t(er)mijn due(re)nde alle/ chijse(n) en(de) pachte(n) bynne(n) sijn t(er)mij(n) vallen(de) en(de) die me(n) van/ voe(r) sculd(ich) es vande(n) voirs(creven) goede(n) bynne(n) den selve(n) t(er)mijne/ gevallen sond(er) [nochta(n)] gehoude(n) te sijne in e(n)nige(n) pacht oft/ chijs die valle(n) sulle(n) bove(n) dmudde core(n)s voirs(creven) s(in)[te]/ andriesmisse incluys als den t(er)mij(n) uutgaet cor(am) eisd(em)