Vand(er) aenspraken die henrick thierens gedaen heeft tot/ henricke den coni(n)ck hem opseggen(de) dat sij tande(re)n tijden/ met malcande(re)n ov(er)comen wa(r)en aengaen(de) der v(er)sterffenissen/ der erfgoeden gebleve(n) nae de doot henr(icx) wijlen de coni(n)ck/ oem des voirscr(even) henricx alse dat zij tgene dat d(aer)aff/ come(n) soude dat zij dat te gelijcke deylen souden ende/ trecken ende hij henrick tierens soude dat v(er)volgen Seyde/ voirt dat de selve henrick de coni(n)ck hier aff v(er)cocht/ hadde seke(re) erfgoede ende dair aff getoge(n) xxxv r(inssche) gul(den)/ dair aff hij hem gheen deylinge en hadde gedaen van den/ welken al hij hem den eedt deylde te geven oft selve te/ houden Conclude(re)nde wair de selve henrick de coni(n)ck
//
dien eedt en(de) ontscult alsoe niet en dorste doen en(de) hij des/ selve volq(ua)me dat dan de selve verweerde(r) gehouden soude/ sijn hem gehouden de helicht vande(n) selve(n) penni(n)gen uut te reycken/ ende te restitue(re)n hem des gedragen(de) totten rechte Dair tege(n)/ de voirs(creven) verweerde(r) hem v(er)antweerden(de) ontkinde geheelijck/ tgene des de voirs(creven) aenlegge(r) hem opseyde alsoe geschiet te/ sijne en(de) p(rese)nteerde sijne(n) eedt ende ontscult dat hij he(m) gheen/ ande(r) toeseggen gedaen en hadde van mede te deylen dan/ in alsoe v(er)re hij d(aer) inne gericht wa(r)e oic dat hij noeyt/ goet d(aer)aff v(er)cocht noch penni(n)gen d(aer)aff getogen en hadde/ Hopen(de) d(aer) mede te gestane en(de) d(er) aenspraken ongehoude(n) te/ sijne te voirde(r) want men niet bevi(n)den en soude dat/ de selve thierens nae recht in die successie gericht wa(r)e/ met meer woirde(n) in wed(er)sijden int langhe geallig(eer)t/ Es gewijst bij scepen(en) va(n) loven(e) vo(n)nisse wair de voirs(creven)/ henrick de coni(n)ck den eedt doet soe hem dien gedeylt es/ dat hij d(er) aenspraken ongehouden sal sijn in sca(m)pno ja(nua)[rii] ix