Allen den ghenen die dese l(ette)ren sullen sien oft hoiren lesen/ borg(er)meeste(re)n scepen(en) en(de) raide d(er) stadt va(n) loven(e) saluyt/ doen cont en(de) te weten(e) dat opden dach van heden
//
datu(m) van desen voir ons come(n) is in p(ro)pe(re)n p(er)sone jan del/ karme geheete(n) del hollande ende heeft geconstitueert ge/ sedt volcome(n) macht p(ro)cu(r)atie en(de) auctoriteyt gegeven/ janne woutiers geheeten inde catte augustijne meys/ desselfs jans woutiers behuwede sone willem(me) van/ leefdale pauwelse oliviers ende janne de hont oft den/ eenen van hen bring(er) sbriefs Alle ende yegewelke sijn/ saken questien en(de) geschillen die hij alsnu uutstaende/ heeft oft naemails hebben sal moegen voir alle gerichte(n)/ gheestelijc en(de) weerlijck tegen wien dat zij Alle sijn jair/ gulden sculden chijsen rinte(n) pachten opcomi(n)gen ende/ v(er)vallen goede beruerlijck ende omberuerlijck hoedanich/ die sijn wair die gelegen sijn oft bevonden moege(n) wordde(n)/ Te verwaren te manen teysschen opte bue(re)n en(de) tont/ fangen dair voe(r) te panden te dagen te beleyden rasta/ mente te doen leggen die met rechte texeque(re)n ende/ te v(er)volgen te bedingen te wynne(n) te v(er)liesen Alle/ gescriften en(de) libellen over te geven(e) en(de) te nemen(e) te/ replice(re)n te duplice(re)n (et)c(etera) in meliori for(ma) Et g(e)n(er)alit(er)/ et specialit(er) (et)c(etera) Et quod p(er) unu(m) ip(s)oru(m) in hiis inchoatu(m)/ seu f(a)c(tu)m fue(r)it q(uod) alt(er) (et)c(etera) Promitt(ens) rat(um) salvo iusto/ calculo cor(am) absoloens pynnock januarii xxiii