It(em) denijs m(er)cielijs al(ia)s vand(er) moelen in p(rese)ntia heeft bekint/ arnde vand(er) moele(n) al(ia)s m(er)celijs sijne(n) vad(er) sijn tocht
//
en(de) gebruyck van allen en(de) yegewelken alsulken erfgoede(n) chijsen pachte(n)/en(de) rinte(n) haeflijcken goeden en(de) oic vliegen(de) erve gecome(n) ende/ verstorve(n) nae de aflivich(eyt) van arnde van bolle en(de) machtelden/ wijlen vand(er) stoct sijnd(er) weerdynne(n) opden voirs(creven) denijse ende/ sijne(n) bruede(r) van huer(er) moed(er) wegen welke goede de voirs(creven)/ arnt vand(er) moelen alsnu besitten(de) es en(de) ysedert der aflivich(eyt)/ des lancste leven(de) des voirs(creven) arnts wijlen va(n) bolle ende/ sijnd(er) huysvr(ouwen) beseten gebruyct en(de) gehantplicht heeft Geloven(de)/ den selve(n) arnde sijne(n) vader ne(m)mermeer va(n) dien goeden/ e(n)nich ongebruyck letsel oft impedime(n)t te doen(e) oft de/(contra)rie va(n) dien te v(er)volgen(e) in egheend(er) manie(re)n voir wat/ gerichte dat zij gheestelijck noch weerlijck mair dair van/ garant te sijne als [dat] de voirs(creven) arnt sijn vad(er) die vrij los/ en(de) ongestuert sal bliven besitten(de) gebruycken(de) en(de) possesse(re)nde/ sijne(n) duerdach lanck en(de) niet langhe(r) niet wed(er)staen(de) e(n)nige(n)/ actien rechte of reden(en) die de selve denijs in e(n)niger/ manie(re)n dair toe soude(n) moege(n) p(re)tende(re)n in dele oft int/ geheele ende dit mits der geluften en(de) voldoene vand(er)/ huwelijcker vorweerde(n) bijden selven sijne(n) vad(er) hem gedaen/ en(de) bekint met lijsbetten van ov(er)wynge sijnd(er) tegewoirdig(er)/ huysvr(ouwen) Heeft insgelijcx gelooft de voirs(creven) denijs en(de) toege/ seecht den voirs(creven) sijne(n) vad(er) ofts behoefde hem d(air)van vestich(eyt)/ en(de) genoech te doen(e) tot sijnd(er) manissen tot allen plecken/ plaetsen en(de) gerichte(n) dair die erfgoede en(de) ande(re) onder/ gelege(n) soude(n) moege(n) sijn alsoe dat hem genoech sal moege(n)/ wesen voir sijn tocht in dien Geven(de) de selve denijs den/ selve(n) sijne(n) vad(er) oic mits desen volcome(n) macht en(de) auc(tori)teyt/ alsoe v(er)re alst hem aengaen soude moege(n) die de selve/ erfgoede chijse en(de) rinte(n) (et)c(etera) opte bue(re)n en(de) tontfange(n) ende/ met rechte te moege(n) v(er)volge(n) de bladinge en(de) jairlijcsche be/ talinge d(er) selv(er) sond(er) wed(er)roepe(n) en(de) sond(er) e(n)nige rekeni(n)ge/ oft bewijs d(air)van te derven doen nu oft in toecomen(de)/ tijden in e(n)nig(er) manie(re)n cor(am) tybe thenis maii xi