Acht(er)volgen(de) den vo(n)nisse d(er) scepen(en) van loven(e) gewesen m(ar)tii/ xxix lestleden bij scepen(en) van loven(e) ten p(ro)fijte machiels fyen/ tegen gielise rogge als dat de selve giel(ijs) sculd(ich) was/ hem rechts weerdich te maken op van dien dage over/ acht dagen op versteken te sijne(n) va(n) sijne(n) rechte ende/ vervolge Gemerct dat de selve fyen te meer stonden
//
versocht hadde te moege(n) voirts va(r)en met sijne(n) thoene tegen/ den selven gielise dair hij als verweerde(r) met scep(enen) vo(n)nisse/ toegewesen was dwelc te meer stonde(n) v(er)toge(n) was ge/ weest bij dien dat de selve giel(ijs) aenlegge(r) zeder d(er) litispenden(cien)/ te banne bracht en(de) come(n) was ende d(er) p(rese)ntacie(n) die de/ voirs(creven) machiel d(aer) nae opte(n) vii[te(n)] dach va(n) april als tot eene(n)/ gecontinueerde(n) dage van rechte dede inde selve banc tege(n)/ den selve(n) gielise die niet en (com)par(eer)de Es op hede(n) de/ selve machiel gecompar(eer)t inde voirs(creven) banc tege(n) den selve(n)/ gielise sustine(re)nde nae dat hij de voirs(creven) vo(n)nissen en(de) p(rese)ntacien/ hadde doen lesen dat hem sijn pande d(aer)op de voirs(creven) giel(ijs) als/ p(ro)cur(eur) d(er) wed(uwen) henricx wijlen va(n) lynthe(r) gep(ro)cedeert hadde meynen(de)/ d(aer) aen seke(re) pachte(n) van wijne te v(er)halen costeloos ger(e)stitueert/ soude(n) wordde(n) hem des gedragen(de) totte(n) rechte Dair tegen/ de voirs(creven) giel(ijs) de (contra)rie sustine(re)nde en meynde alsoe nyet/ v(er)rascht te sijne gemerct dat hij sijn uut(er)ste diligen(cie) gedaen/ hadde soe hij yerst mochte om uut den banne te sijne met/ meer woirde(n) in wed(er)sijde(n) geallig(eer)t luttel t(er) materien dienen(de)/ Es gewijst bijden scepen(en) van loven(e) t(er) manissen smeyers/ nae de voirvo(n)nissen gesciedenissen en(de) acten dat den voirs(creven)/ machiele sijn gepande pande costeloos gerestitueert sullen/ wordde(n) ende heeft de voirs(creven) giel(ijs) d(aer)entinde(n) e(n)nich gebreck/ dat hij dat volge(n) mach soe dat behoirt In sca(m)pno maii xii