Vander questien geport voe(r) den raide vander stadt tusschen/ pete(re)n coomans die met seke(re)n sijnen medeplege(re)n die nu/ acht(er)bleve(n) sijn inde stadt vanden welken hem aengevallen/ es geweest henrick vanden eerdweghe geimpetreert hadde/ aenden meye(r) en(de) scepen(en) van lu(m)men(e) opde braba(n)tsche eerde/ seke(re) brieve van des(er) stadt d(aer) mede sij versocht werden/ ongemoeyt de voirs(creven) p(er)sone(n) te laten van seke(re)n pan/ dingen voe(r) de betalinge van penni(n)gen toegeseecht/ den ruyters van are(n)berge vyanden des lants bij e(n)nigen/ aldair om te salve(re)n en(de) wed(er)om te gecrijgen hue(re) geroofde/ beesten bijden vyanden ald(aer) gehaelt wa(n)t de voirs(creven) p(er)sone(n)/ impetra(n)te d(er) voirs(creven) brieve hoopte(n) d(aer)aff ongehoude(n) te sijne/ want sij soe sij seyden hen d(aer) mede niet inne v(er)looft en/ hadden t(er) eende(r) sijde(n) en(de) ghijsbrechte de drossete ende/ reyne(re)n smeets beyde scepen(en) vand(er) voirs(creven) lant van lu(m)men(e) opde/ brabantsche eerde voir hen en(de) inden name van hue(re)n mede/ scepen(en) en(de) ande(re)n goeden ma(n)nen vanden dorpe voirs(creven) t(er)/ ande(re) Aldair de voirs(creven) pet(er) en(de) henr(ick) nae dat sij de voirs(creven)/ missive hadden doen lesen opdeden hoe dat he(n) afgepant wae(re)n/ hue(re) goede bove(n) en(de) in (contra)rien van hue(re)n voirs(creven) yersten brieve/ en(de) nae dien dat dien selve(n) brief den meye(r) en(de) scepen(en)/ voirs(creven) gegeve(n) was geweest en(de) wae(re)n des voirs(creven) peters/ twee afgepande ossen t(er) stont v(er)cocht geweest om xviii/ gulden(en) die wel xxviii weert wae(re)n soe hij seyde ver/ sueken(de) dair o(m)me restitucie vanden selve(n) hue(re)n afgepande(n)/ en(de) vercochte(n) goeden Te voirde(r) oick wa(n)t de voirs(creven) pet(er)/ seyde dat hij vele hoog(er) getaxeert dan nae gelegenth(eit)/ van sijne(n) goede en(de) rijcdo(m)me Dair tege(n) de voirs(creven)/ scepen(en) inden name als voe(r) deden lesen eene infor(ma)tie
//
vander handelingen d(er) settinge(n) en(de) lasten d(aer) tegen de impetrante(n)/ gelijck voe(r) hen oppone(re)n wouden in welker infor(ma)tien sij merckelijck/ te kynnen gaven en(de) p(rese)nteerden te thoene(n) ond(er) den ande(re)n hoe/ inden lesten crijghe van luydick sij bij h(er) guise van ra(m)mie oft/ sijnen capitayne(n) en(de) ruyte(re)n te diversen stonden alsoe geanxte/ neert hadden geweest en(de) in sulken perijkele gestelt niet alleene/ om alle hue(re) goede en(de) tgeheel dorp te verliesen als endove(n)/ verbrant was en(de) te vorst oic scade van brande geschiet/ was en(de) oic d(aer) te voe(re)n en(de) d(aer)enbove(n) als de goede ma(n)nen/ vanden dorpe opden torre gevlucht wae(re)n dat zij om de/ meeste scade mett(er) mynster te vervallen en(de) voir den gemeyne(n)/ orber van alle den ond(er)seten te div(er)sen stonden compositie/ afcoop en(de) ransonneringe gemaict hadden metten selven van/ ra(m)mie dair voer sij sesse leysters hadden moete(n) synden te/ hasselt gemerct dat sij dat om d(er) brieve wille hen/ gesonden van onsen ald(er) genad(ich)[sten] hee(re) den roomschen coni(n)ck/ niet laten en wouden en(de) ten yersten male d(aer) voe(r) hadden/ moete(n) betalen drie hondert r(inssche) gul(den) voir h(er) guise van/ ra(m)mie en(de) sijne(n) capiteyn die tselve yerste ranchon maicte/ lxx r(inssche) gul(den) voir sijne(n) wijn Ten ande(re)n male noch/ xiiii[c] r(inssche) gul(den) en(de) voir den cost vande(n) voirs(creven) leysters hond(er)t/ r(inssche) gul(den) welke lasten alle en(de) yegewelke bij gemeyne(n)/ ov(er)drage en(de) (con)sente vanden goeden ma(n)nen vanden dorpe/ bij settinge(n) van elf goede(n) ma(n)nen d(aer) toe genome(n) bij gbe/ swoiren(en) eede vanden selve(n) ma(n)nen dair toe genome(n) opde/ onderseten ald(aer) innegehaelt sijn op elken nae sijne(n) staet/ en(de) gelegenth(eit) dair de selve pet(er) mede bij en(de) aen was/ d(aer) inne consente(re)nde gelijck den ande(re)n en(de) dat niet wed(er)/ seggen(de) En(de) aldus desen en(de) meer ande(re)n reden(en) aengesien/ sustin(er)den sij dat de voirs(creven) pet(er) en(de) henr(ick) verdoolt wae(re)n/ met hue(re)n voirnemen(en) en(de) dat zij met goed(er) reden(en) de/ pandinge en(de) tvercoope(n) van dien hadden gedaen wa(n)t/ sij dat al gedaen hadden nae huer(er) bancken recht en(de) die/ als teeren(de) beesten yerst v(er)cocht ten derden daghe nae d(er)/ pandingen openbairlijck inde banc te lu(m)men op hooge(n)/ dair nyema(n)t meer voir geve(n) en woude dan de voirs(creven)/ xviii r(inssche) gul(den) hen des gedragen(de) totte(n) rechte Dair tege(n)/ de voirs(creven) pet(er) replice(re)nde seyde dat hij in voirleden(en)/ tijden swae(re) costen en(de) lasten oic geleden hadde vanden
//
vyanden dair aff hem noeyt richtinge noch recompense en was/ gebuert en(de) alsoe versocht hij dat die mede gesedt wordden/ en(de) dat hem die tafslage come(n) souden aen tgene des hij va(n)/ desen tsijne(n) dele mocht hebben te dragen en(de) dat men sculd(ich)/ wae(re) voir oogen te hebben de g(r)[o]te ov(er)lastinge he(m) in des(er) setti(n)gen/ gebuert d(aer) tsijne bove(n) de vijftich rinssche gulden(en) eens bove(n)/ co(m)mer niet weert en was Op dwelc de voirs(creven) scepen(en)/ duplice(re)nde seyden dat dat was ov(er) vier oft vijff jair/ geleden inden ande(re)n crijch van luydick en(de) dat alsdoen vele/ vanden ande(re)n ond(er)seten oic swae(re) lasten hadden die noeyt/ recompe(n)se en hadden gehadt noch d(aer)aff noeyt conse(n)t int/ gemeyne geschiet en was om recompe(n)se te hebben(e) en(de) aen/ gaen(de) den pointe vand(er) verlastinge(n) seyden sij dat de elf sett(er)s/ dat gedaen hadden bij hue(re)n eede d(aer) eenyegelijck mede te vrede(n)/ hadde moete(n) sijn sond(er) he(n) dair tege(n) de oppone(re)n dan alleene/ de voirs(creven) pet(er) en(de) henr(ick) en(de) de mede impetra(n)ten vande(n) voirs(creven)/ brieve die d(aer) toe bij pete(re)n betoge(n) wae(re)n hen bevi(n)den(de) onge/ fondeert wae(re)n hem afgevallen en(de) hadden voldaen Bij desen/ p(er)sisteerde(n) sij in hue(r) (con)clusie Dair tegen de selve pet(er) en(de)/ henr(ick) seyden dat hen noeyt rekeni(n)ge en was gebuert va(n)/ hue(re)n v(er)cochte(n) beesten oft pe(n)ni(n)gen van dien Es get(er)mineert/ p(ar)tien int langhe gehoirt dat de voirs(creven) pet(er) en(de) henrick v(er)doolt/ sijn te eysschen cortsele oft recompe(n)se vand(er) scaden en(de)/ lasten bij hen gelede(n) inde(n) ande(re)n crijghe h(ier) voe(r) gemerct/ dat d(aer)aff bij gemeyne(n) ov(er)drage gheen settinge geschiet en/ es En(de) aengaen(de) den ande(re)n pointe vand(er) restitucie(n) d(er)/ vercocht(er) goeden dat sij insgelijcx d(aer)aff sijn v(er)doolt nae/ tclee(re)n vande(n) voirs(creven) scepen(en) als dat die gehandelt tinde/ v(er)cocht sijn geweest nae d(er) bancken recht behalve(n) dat/ den voirs(creven) pete(re)n en(de) henr(icke) behoirlijke rekeni(n)ge gebue(re)n sal/ vande(n) selve(n) v(er)cochte(n) goede(n) ten ynde oft dair yet overde/ dat men hen dat wed(er)keerde Actu(m) in (con)silio opidi p(rese)ntib(us)/ py(n)nock burg(imagistr)[o] nausnyde(re) sub(stitu)[to] et plu(r)ib(us) aliis (con)siliariis aug(usti) iiii