It(em) joes pauwels goutsmet en(de) jan van daelhem als man en(de)/ mo(m)boir katlijne(n) van buetsele docht(er) jans wijlen va(n) buetsele/ die alsnu in gedinge staen voir den brabantschen raide te bruess(ele)/ tegen arnde wigger in p(rese)ntia hebben gekint en(de) gelijt dat/ zij ontfange(n) hebben en(de) gehaelt hebbe(n) uut(er) yerst(er) came(re)n d(er) secretar(ien)/ d(er) stat va(n) loven(e) de brieve(n) hier nae bescreve(n) en(de) geinve(n)tarieert/ die d(aer) voirmaels bijden voirs(creven) arnde bracht sijn geweest En(de)/ hebben gelooft ind(ivisim) et ind(iffe)r(e)nter acht(er)volgend(de) d(er) t(er)mi(n)acien vand(er)/ stadt d(aer) mede hen de voirs(creven) brieve geconse(n)teert sijn te halen(e)/ op goede cautie van de selve wed(er)om ongecancelleert/ te bringen(e) tusschen dit en(de) s(in)[t] jansmisse naistcomen(de) dat
//
sij alle de selve brieve alsoe bynne(n) den selve(n) tijde onge/ cancelleert ind(er) voirs(creven) came(re)n wed(er) leve(re)n en(de) bringen/ sullen t(am)q(uam) ass(ecutu)[m] En(de) d(aer) voe(r) heeft gesproken en(de) es hue(r) borge/ bleven als p(ri)ncipael sculde(r) jan van buetsele wonen(de)/ inde cortst(ra)te te loven(e) Et p(ri)mi duo cor(am) hoeve(n) tybe/ nove(m)br(is) xxvi/ Dits den inve(n)tar(is) d(aer)aff ind(er) voirs(creven) geluften/ mentie gemaict wort/ Ierst eene(n) scep(enen) brief van lynden besegelt met sdorps/ zegele van lynden beghinnen(de) Wij henrick van du(n)ne/ melck arndt vande(n) hoevelde jan van balen arndt/ helsscheviers jan de decke(re) steven van ermeghem ende/ henrick claes alle scepen(en) van lynden bij loven(e) doen/ condt allen lieden dat come(n) es jan van buetsele/ van loven(e) en(de) joes pauwels die oic leide (et)c(etera) mentie/ maken(de) van seke(re)n dageme(n)ten en(de) p(ro)cedue(re)n bijde(n) voirs(creven) ja(n)ne/ en(de) joese begonne(n) ond(er) den ande(re)n op eene(n) bosch die arnde/ wigg(er) toebehoirde en(de) die de selve arnt met silve(re)/ en(de) goude pantbair maicte (et)c(etera) vand(er) daet xiiii[c]/ lxxiii sept(embris) ix/ It(em) i p(ro)cu(r)atie besegelt mett(er) stadt van loven(e) segel ad/ causas d(aer)mede dat jan van buetsele en(de) joes pauwels/ goutsmet maicte(n) machtich willem(me) van leefdale henr(icke)/ comelinck arnde wiggers en(de) ja(n)ne van borre vand(er)/ daet xiiii[c] lxxiiii julii viii ald(us) geteeke(n)t beyardt It(em)/ It(em) i brief van lynden besegelt met sdorps segele be/ ghinnen(de) Cont zij allen liede(n) dat come(n) es in tegewoir/ dich(eit) voe(r) den meye(r) en(de) den laten m(ijns) he(re)n va(n) vlierbeke/ arnt wigg(er) inde(n) name va(n) ja(n)ne van buetsele ende/ joese pauwels als gemechticht met scepen(en) brieve(n)/ van loven(e) vand(er) daet xiiii[c] lxxv junii xxii/ It(em) i brief besegelt mett(er) scepen(en) segel van pelle(n)berch/ t(er) beden d(er) laten vand(er) cap(it)len van sinte pet(er)s te loven(e)/ beghinnen(de) Cont zij allen lieden dat come(n) es arnt/ wigg(er) hoeymaker als gemechticht met seker(en) p(ro)cu(r)a/ tien voir scepen(en) van loven(e) van ja(n)ne va(n) buetsele
//
en(de) van joese pauwels goutsmet (et)c(etera) vand(er) daet xiiii[c]/ lxxv xxviii octobr(is)