Item jan de hertoge die voir drossete en(de) scepen(en)/ van rotselair nae uutwijsen eend(er) cedullen d(aer)aff/ de tenu(r)e h(ier) nae volcht va(n) woirde v(er)pacht en(de)/ in pechtinge(n) genome(n) heeft va(n) denijse va(n) denijse/ van diest rintmeest(er) des lants van rotselair de/ molen(en) va(n) rotselair te rotselair gelege(n) met allen/ hue(re)n toebehoirte(n) opde vorweerde(n) ind(er) selv(er) cedulle(n)/ begrepen in p(rese)ntia heeft voirts uutgegeve(n) ende/ bekint uutgegeve(n) te hebben(e) nychasio verspoert/ sone wijlen claes nu t(er) tijt wonen(de) te haecht die/ die alsoe bekint genome(n) te hebben(e) vande(n) selve(n)/ ja(n)ne de voirs(creven) moelen om den selven prijs den/ selve(n) t(er)mijn uut en(de) op alle de selve vorweerden/ ende (con)dicien dat de voirs(creven) jan die als vo(r)e vande(n)
//
voirs(creven) rintmeest(er) genome(n) heeft En(de) dae(re)nbove(n) nochtan op/ alsulken vorweerde en(de) (con)dicie dat de voirs(creven) nichasius telke(n)/ t(er)mijne en(de) va(n) elken payme(n)te des(er) pachtinge(n) vande(n) voirs(creven)/ rintmeeste(re) quitan(cie) neme(n) sal die de selve nichasius sculd(ich)/ sal sijn telken ov(er) te leve(re)n den voirs(creven) ja(n)ne de hertoghe/ mair des sal oic de selve jan den voirs(creven) nichasio voirt/ vande(n) selve(n) payme(n)te(n) de voirs(creven) quitan(cie) va(n) hem ontfangen/ hebben(de) gehouden sijn insgelijcx va(n) sijne(n) wege(n) acquijt te/ geven(e) En(de) oft de voirs(creven) nichasius vande(n) voirs(creven) rint/ meeste(re) tot e(n)nige(n) d(er) t(er)mijne(n) gheen q(ui)tan(cie) en conste gecrijge(n)/ soe sal hij gestaen te betalen(e) aen ja(n)ne den hertoge voirs(creven)/ die he(m) als vo(r)e va(n) elken t(er)mijne en(de) payme(n)te sculd(ich)/ sal sijn q(ui)tan(cie) te geven(e) en(de) alle vorweerde(n) (con)dicie(n) en(de)/ gelufte(n) ind(er) voirs(creven) cedullen begrepe(n) en(de) oic de voirs(creven)/ vorweerde(n) (et)c(etera) Inde su(n)t fideiussores dicti nichasii t(am)q(uam)/ p(ri)ncipales debitores ind(ivisim) et ind(iffe)r(e)nter judocus v(er)spoert/ eius f(rate)r (com)mor(ans) apud arschot joh(ann)es v(er)spoert si(mi)l(ite)r f(rate)r d(i)c(t)i/ nichasii (com)morans apud thieldonck et johannes vande(n)/ moerte(re) f(ilius) quond(am) joh(ann)is (com)morans apud keerbergen quos/ d(i)c(t)us nichasius exinde p(ro)misit indempnes relevare/ cor(am) boxhoren hoeven januarii viii/ Dits de tenu(r)e vand(er) cedulle(n) d(aer)aff/ vo(r)e mentie gemaict es/ Opten xv[sten] dach van dece septembri anno xiiii[c] en(de)/ lxxxvi soe is comen jan de hertoge voir drossete en(de)/ scepen(en) hier nae gescreve(n) ende heeft bekint en(de) gelijt wael/ en(de) wittelijck verpacht en(de) in pechtingen genomen hebben(de)/ tegen denijse van dyest rintmeeste(re) des lants van rotselair/ de molen(en) va(n) rotselair te rotselair belegen met allen/ hue(re)n toebehoirte(n) nae inhoudt van eend(er) cedullen als/ vanden vorweerden vander selv(er) moelen(en) gecondicioneert/ en(de) voirtijden dair aff gemaict dair aff de tenu(r)e ende/ dinhoudt vand(er) selver cedullen hier nae volcht ende es/ aldus/ Ordina(n)tie en(de) vorweerde dair op men v(er)pachte(n) ende/ uuytgeve(n) sal de moelen(en) van rotselair mette(n) toebe/ hoirten eenen t(er)mijn van drie ja(r)en en(de) vijff maenden/ lanc due(re)nde beghinnende te kersmisse anno xiiii[c]
//
viventachtentich nae costume van scriven(e) shoefs van braba(n)t/ ende eyndende tsinte tsinte jansmisse anno lxxxix be/ houdelijc dat de pachtene(re) vander selv(er) molen(en) vande(n)/ lesten vijf maenden der voirs(creven) pechtingen sal gestaen met/ te betalen(e) nae avena(n)t vanden tijde der betalinge(n) vanden/ lesten ja(r)e/ Inden yersten sal men de voirs(creven) moelen(en) verpachten met mudde(n)/ rocx ende tot elcken mudde rocx eene(n) halven hollants/ gulden en(de) dair toe een pont was ten prijse van viere/ stuv(er)s tpont ende met hoegenissen dair aff elc hoegen/ doen sal twee mudde(n) rocx eene(n) hollants gulden ende/ twee pont was ten prijse voirs(creven) comende half ten p(ro)fijte/ vanden verhoegere vore dyerste jair ende half ten prouffite/ vanden hee(re) ende dander navolgende jaren sulle(n) de/ hoogen(en) volgen en(de) come(n) den hee(re) alleene v(er)schijnende/ al tsame(n) te vie(re) termijne(n) tsjaers te weten(e) va(n) drie/ maenden te drie maenden/ Item die ghene die den palmslach vand(er) voirs(creven) moelen(en)/ yerstwerf hebben sal die sal moegen hoegen alsoe dicke/ en(de) menichwerve(n) als hij sal willen soe dat hem des/ nyema(n)t en sal moege(n) ond(er)gaen ende sal die comen/ schap bliven oepenstaende acht dagen lanck ten eynde/ van welcken acht daghen men die keerse alhier dair/ op sal bernen bynnen welcken middelen tijde eenyegelic/ die dat gelieft sal moegen come(n) bijden rintmeester/ en(de) hoegen alsoe dicke en(de) menichwerven alst hem ge/ lieven sal/ It(em) sal de toecomende pachtene(re) sculdich zijn die moelen(en)/ taenveerden(e) op scattinge van gesworen molenslegers/ en(de) die te houden van allen rue(re)nde en(de) gaende wercke/ tsijnen laste ende oft men bevonde dat de pachtene(re)/ dair aen meer versleten hadde en(de) die geargert wa(r)e/ dan die was tsijne(n) aencomen(e) dat sal de selve/ pachtene(re) ten afsceyden en(de) ten eynde der voirs(creven) pechtinge(n)/ moete(n) opleggen en(de) betalen ende wairt oick alsoe/ dat hij dit gebetert hadde dat soude men hem/ alsdan opleggen ende betalen
//
It(em) sal men oick de voirs(creven) moelen(en) uuytgeven op doude costu(m)e/ van molen(en) te weten(e) op tsesthienste vat voir sijne(n) molstere/ en(de) opt recht vanden diene(re) en(de) voirts die sluyse te/ trecken ten behoirlijcken tijden soe dat costumelic es/ Item sal de pechtene(re) alle ja(r)e hebben een tabbaert laken alsulke(n)/ als de hee(re) geven sal oft drie hollants gulden(en) dair vore/ voirt sal hij hebben scerten oft eene(n) hollan(ts) gulden dair vore/ It(em) sal de pechtene(re) gehouden sijn te betalen boven sijn/ p(ri)ncipale pechtinge eenen nobel vand(er) weerden van/ drie hollants gulden(en) ende den rintmeest(er) voir sijn gewoen/ lic recht eene(n) gelijcken nobel en(de) voir den lijfcoep acht/ rijns gulden(en) eens te betalen(e)/ Item die gene dien de voirs(creven) moelen(en) uut(er)lijck metten/ uuytgange vand(er) bernender kerssen ind(er) manie(re)n voirs(creven)/ sal sijn gebleve(n) die sal sijn gehouden zijn coemanschap/ wel en(de) loflick te verborgen bynnen xv daghen nae/ dat die kersse sal sijn gebernt soe dat de rintmeester/ dies te vreden zie Ende oft yemant de voirs(creven) moelen(en)/ hadde verpacht die de borchtocht niet gedoen en conste/ soe soude die naistverhoeger voir hem die coemanschap/ behouden en(de) soude de ghene die de voirs(creven) borchtocht/ niet en hadde gedaen oft gedoen en conste dat gebreck/ ter stont moeten opleggen en(de) betalen in gereeden pe(n)/ ningen Ende oft de voirs(creven) moelen(en) verpacht werde/ sond(er) e(n)nich hoegen yemande die die niet en conste/ verborgen soe soude de rintmeest(er) die selve moelen/ wed(er)om van nyeus verpachten ende wairt datse/ dan myn goude dat gebreck soude de ghene/ die de voirs(creven) borchtocht niet en hadde ku(n)nen gedoen/ ter stont moeten betalen in gereeden penni(n)gen als vo(r)e/ Ende tegen tgene dat voirscreven staet en sal hem nyema(n)t/ moegen bescudden met e(n)nige(n) vrijheyden van p(ri)vilegien/ cleergien sinte pet(er)smanscapen poirterien oft ande(re)/ vryheiden mair sullen verbonden bliven in tgene/ dat voirscreven staet metten uuytgange vand(er) bernend(er)/ kerssen sond(er) ande(re) gelufte te moete(n) doen (et)c(etera) Gedaen
//
opten xv[sten] dach decembris anno xiiii[c] vivendetachtentich/ ende gegeven den rintmeest(er) van rotselair om navolgende/ die te verpachten(e) Bij my aldus geteekent le begge/ Hier wa(r)en over als scepen(en) van rotselair jan van maelcote/ henric vanden dijcke en(de) goert van gele en(de) meer ande(re)/ goede mannen/ Navolgende desen zijn comen de voirs(creven) jan de hertoge als/ p(ri)ncipael verpachte(r) der voirs(creven) moelen(en) van rotselair jan de/ moer goert den hertoge van haecht jan van ru(m)men(e) van/ wesemale en(de) jan wybrechts oick van wesemael ende/ hebben gelooft ombesundert en(de) elck een voir al dinhoude(n)/ vanden vorweerden en(de) beloften voirs(creven) volcomelic tonderhouden(e)/ en(de) te voldoene ongepoirtert en(de) ongevrijdt van allen/ p(ri)vilegien en(de) exceptien als vervolchde en(de) v(er)reyct schoudt/ Op alsulken condicie waert alsoe dat de voirs(creven) rintmeest(er)/ van rotselair in tijden toecomen(de) vand(er) selver pechtingen ofte/ vorweerde(n) e(n)nich gebreck hadde van betalingen en(de) niet langer/ beyden en wilde dat men dan realic den voirg(enoemden) janne/ de(n) hertoge en(de) sijn borghen sal moegen uutpanden voir tge/ breck van hue(re)n gereetsten goede(n) het wa(r)e dat die ond(er)/ rotselair oft wesemale oft elders bevonde(n) wordden/ ende die selve panden ter stont ter beliefte(n) vande(n) rint/ meest(er) moege(n) vercoepe(n) sond(er) meer rechts dair op te vorde(re)n/ Ende oft den selven rintmeeste(r) dochte naemails de selve/ moelen(en) niet genoech verborcht wesende soe sal de/ voirs(creven) jan de hertoge ter manissen vande(n) rintmeest(er) meer/ borgen stellen alsoe dat scepen(en) en(de) goede manne(n) de/ selve borgen kynnende duncken sal de voirs(creven) moelen(en)/ genoech verborcht wesende Ende wairt oic alsoe/ dat de voirs(creven) rintmeest(er) hier naemails beg(eer)de de/ voirs(creven) geloften gedaen te hebben(e) voir scepen(en) van/ loven(e) de selve geluften hebben de voirg(enoemde) jan de/ hertoge ende sijn borghen gelooft oic aldair te doene/ ter menissen vanden rintmeest(er) van rotselair des sal/ men alsdan de gelofte te rotselair gedaen te nyeute/ doen soe wa(n)neer de vesticheyt te loven gedaen sal/ hebben sond(er) argelist
//
Ende jan de hertoge heeft de voirg(enoemde) sijn borghen en(de) alle/ hue(re) goede vand(er) voirs(creven) borchtochten en(de) geloften altoes/ geloeft schadeloos tontheffen(e) en(de) wel te q(ui)ten(e) ongepoir/ tert en(de) ongevrijt van allen saken met allen hem selve(n)/ en(de) met allen zijne(n) goede have en(de) erve Hier wa(r)en bij en(de)/ over goert van gele en(de) jan daneels als scepen(en) van/ rotselair ten ja(r)e en(de) dage voirs(creven)/ De scattinge vand(er) voirs(creven) moelen(en)/ bijden molenslegers geschiet/ Inden yersten dat houtwerck vanden drie moelen(en) tsamen/ - [c] xxi holl(ants) gulden(en)/ Dat yse(re)n werck vande(n) drie moelen(en) - lxxiiii grijpen/ Ende vand(er) slachmoelen(en) - xx(½) grijpen/ Die formen ende haecken - xx holl(ants) gulden(en)/ Ende die steene(n) wa(r)en geschat op lxv(½) duymen elcken/ duym iii peters maken in hollantsche gulden(en) - ii[c] xxi holl(ants) g(ulden) i st(uver)/ Su(m)ma tsame(n) houtwerck yse(re)n werck ende/ de schattinge vande(n) steene(n) - iiii[c] xl holl(ants) gul(den) xiii st(uvers)/ De hoegen(e) vand(er) voirs(creven) moelen(en)/ Henrick cleynhennens heeft den slach gehadt voir - c ii mudde/ rocx met datter aen cleeft alsoe voirs(creven) es/ De selve henrick hevet verhoecht eens/ Jan de hertoghe hevet eens verhoecht/ Henrick cleynhennens noch eens verhoecht/ Jan de hertoghe hevet noch eens verhoecht ende heeft de/ moelen behouden metten uuytgaen vander bernender keersse(n)/ die gebernt was des donderdaichs opten derthien avent/ anno lxxxv nae costu(m)e van scriven(e) shoofs van braba(n)t/ Dair bij ende over zijn geweest jan cleynarts drossete/ tslants van rotselair jan van maelcote henrick vande(n)/ dijcke goort van gele ende jan de clerck als scepen(en)/ van rotselair ende de dieneers met meer ande(re) goede/ manne(n) (et)c(etera)