Want symon textoris als p(ro)cur(eur) des he(re)n van chantrain die/ uut crachte van scepen(en) brieve(n) van loven(e) van beleyde en(de) ande(re)/ houdt en(de) besidt eene erfrinte van xv rinssche gulden(en) opde/ goede en(de) ond(er)pande begrepe(n) in tregist(er) van des(er) came(re)n ende/ brieve d(aer) uut gegrosseert vand(er) daet febr(uarii) vii a(n)ni lvi hem/ met brieve(n) va(n) des(er) stat gescr(even) aende(n) bailliu va(n) ha(n)nuyt oft/ sijnen stadhoude(re) d(aer) ond(er) de goede gelege(n) sijn en(de) dien de selve/ goede in eend(er) cedulle(n) inde(n) voirs(creven) br(ieve) beslote(n) ov(er)gesonde(n) wa(re)n/ alle de selve goede en(de) ond(er)pande behoirlijck heeft doen leve(re)n/ en(de) dach van rechte doen besceyden alh(ier) inde banc voir meye(re)/ en(de) scepen(en) va(n) loven(e) katlijne(n) de beaus wed(uwe) collarts moriau/ reynnarde makart vrouwe agneesen ja(n)ne van blehain en(de)/ den kinde(re)n en(de) erfgename(n) van tyboute le mariscal van lens/ saint remy oft sij oft e(n)nich van hen hen dair tegen hadden / willen oppone(re)n tot welken daghe nyema(n)t van hen gecompar(eer)t/ en es den voirs(creven) p(ro)cur(eur) (com)pare(re)nde en(de) trecht voirt versuekend(e) Soe/ hebben scepen(en) van loven(e) t(er) manissen smeyers nae dat hen/ bij rescripte jans do(m)martin bailluys va(n) ha(n)nut behoirlijck hadde/ gebleken de voirs(creven) executie geschiet te sijne gewesen/ voir een vo(n)nisse soe v(er)re de wed(er)p(ar)tie voirs(creven) niet/ en (com)par(eer)de ten opstaen(e) van meye(re) en(de) hen scep(enen) dat men den/ voirs(creven) p(ro)cur(eur) inden name van m(ijn) hee(re) va(n) chantrain voirs(creven) vande(n)/ voirs(creven) goede(n) en(de) ond(er)pande(n) houden soude inde macht vande(n)/ voirs(creven) scepen(en) brieve(n) van loven(e) alsoe v(er)re alst noch voir hen/ comen is in sca(m)pno julii xxix