It(em) henrick van diependale wonen(de) te tieldonck jan vand(er)/ paelt wonen(de) tassent ende pet(er) gheerts wonen(de) t(er) beke/ inde p(ro)chie van werchte(r) hebben gelooft ind(ivisim) willem(me) lobbe/ dat zij geheelijc en(de) al te male den selven willem(me) v(er)nuege(n)/ ende te vreden stellen sullen van in maendaghe naistcomen(de)/ over acht daghen van allen acht(er)stelligen pachte(n) (con)dicien en(de)/ vorweerden begrepen ind(er) pachtingen vanden hove va(n) hadicht
//
d(aer) inne arnt gherijs wynne desselfs hoefs tacht(er) en(de) belanck/ es oft den selve(n) arnde wed(er)om alh(ier) ind(er) vroente(n) te leve(re)n/ ten selve(n) maendage En(de) in gebreke va(n) dien dat sij selve/ thue(re)n laste alsdan alh(ier) ind(er) vroente(n) jans marisses come(n) sullen/ en(de) van d(aer) niet scheyden sij en sullen hebben voldaen den/ voirs(creven) willem(me) va(n) al des voirscr(even) es oft sijne(n) moet d(aer)af/ hebbe(n) En(de) va(n) allen desen heeft de voirs(creven) arnt gherijs en(de)/ katlijne va(n) diependale sijn wijf den voirs(creven) p(er)sone(n) en(de)/ elcke besund(er)t gelooft costeloos en(de) scadeloos te houden(e)/ en(de) oic te betalen(e) alle coste(n) en(de) lasten die de selve/ p(er)sone h(ier) om soude(n) moege(n) lijde(n) het wae(re)n coste(n) va(n)/ rechte oft ande(re) cor(am) boxhoren pynnock januarii iii