It(em) hier nae es comen de voirs(creven) henrick de coni(n)ck inde/ banc en(de) heeft v(er)socht en(de) gesustineert wae(r) d wair de/ voirs(creven) tyerens die niet en compareerde voir oogen/ niet en quame batte(re)n met rechte den voirs(creven) eedt/ dat hij in dien gevalle dair aff versteken soude sijn/ ende dat hij henrick de coni(n)ck voirs(creven) d gewesen soude/ wordden sijns eedts volcomen Dair op de scepen(en)/ gemaent gewesen hebben wair de voirs(creven) henrick/ thierens niet en q(ua)me ten opstane smeyers en(de) der/ scepen(en) dat dan de voirs(creven) henrick de coni(n)ck sijns/ eedts volcomen es in scampno januarii xxiii