It(em) henrick van landen(e) als p(ro)cur(eur) vande(n) erfgename(n) lodewijcx/ wijlen vande(n) steene die in rechte steet inde banc voir/ meye(r) en(de) scepen(en) van loven(e) tegen meest(er) pete(re)n vand(er) heyden/ op twee pointe(n) d(aer) aff hij meest(er) pete(re)n aengesproken heeft/ Dyerste van allen den brieve(n) gescrifte(n) en(de) munime(n)ten ge/ bleven nae de doot jouffr(ouwe) m(ar)griete(n) sbriev(er)s geh(eten) smu(n)ters/ des voirs(creven) meest(er) pet(er)s weerdynne die de selve meest(er) pet(er)/ gehadt hadde oft wiste oft tsijne(n) p(ro)fijte come(n) waren/ en(de) dat tot sijnd(er) wettig(er) eedt ten ynde dat he(m) als p(ro)cur(eur)/ voirs(creven) d(aer) uuyt volge(n) mochte(n) alle de ghene d(aer) inne/ de voirs(creven) erfg(enamen) wijle(n) lod(ewijcx) gericht moege(n) sijn En(de) dand(er)/ vanden vliegen(den) erve gebleve(n) nae de doot desselfs wijle(n)/ lod(ewijcx) die yerste wettich man hadde geweest d(er) selv(er) jouffr(ouwe)/ m(ar)griete(n) sijnd(er) huysvr(ouwe) doot aenveert hadde om he(m) als/ p(ro)cur(eur) d(aer) uuyt te hebbe(n) trecht van dien zoe v(er)re derfg(enamen)/ des voirs(creven) des voirs(creven) lodewijcx d(aer) inne gericht mochte(n)/ sijn nae den loeven(schen) rechte Op welke aensp(ra)ke vand(er)/ vliegen(der) erve(n) meest(er) pet(er) boedt te bewijsen dat trecht/ va(n) thiene(n) d(aer) tsterfhuys vande(n) selve(n) wijlen lod(ewijcke) ond(er)/ gelege(n) was sulck was dat d(aer) gheen ond(er)sceyt en es/ tussche(n) have en(de) vliegen(de) erve en(de) dat alle have den lest/ leven(de) vande(n) gehuyssche(n) geheelijc toebehoirt tot welken/ thoene hij vo(n)nislijck geadmitteert is geweest Heeft/ opden dach va(n) heden ger(e)nu(n)cieert en(de) v(er)tegen vand(er)/ selv(er) aenspraken aengaen(de) den vliegen(den) erve en(de) die sake/ va(n) dien afgedaen cor(am) pynnock hoeven januarii xxvii