It(em) jouffr(ouwe) marie goede wed(uwe) gheerts wijlen del poirte/ en(de) gheert m(er)ghets inden name va(n) hen en(de) van kaerlen/ m(er)ghets brued(er) des voirs(creven) gheerts absent sijnde dien sij h(ier)/ inne gelove(n) te v(er)vange(n) in p(rese)ntia hebbe(n) gekint en(de) ge/ leden dat jan de wairsege(re) hen dueghdelic gelost ge/ quete(n) en(de) afgeleecht heeft alsulken vijf mol(evaten) corens/ mate van loven(e) erflic vallen(de) jairlijcx s(in)[te] andriesmisse
//
alse de voirs(creven) wijlen gheert v(er)crege(n) hadde met scep(enen) brieve(n)/ van loven(e) nethen(en) vand(er) daet xiiii[c] lxxvii secu(n)de diei octobr(is)/ aen en(de) op de goede h(ier) nae bescreve(n) wijlen jorijs dekens nu/ des voirs(creven) jans de wairsege(re) Te weten(e) ierst op een huys/ en(de) hoff gelege(n) te lanoit tussche(n) de plaetse geheete(n) werissai/ t(er) eende(r) en(de) de goede d(er) kercken en(de) der armer va(n) nethen(en) t(er)/ ander(er) sijden It(em) op eene(n) hoff gelege(n) bove(n) tvoirs(creven) hoff tusschen/ de goede des altairs vanden heyligen cruyce en(de) de goede/ van saveneele Scelden(de) vanden selve(n) erfpachte en(de) va(n) allen/ v(er)loopen(en) rinte(n) van dien volcomelic q(ui)te den voirs(creven) ja(n)ne/ en(de) sijn goede en(de) erfgename(n) Promitten(tes) null(atenus) alloqui sed/ war(andizare) p(ro)ut cor(am) liefkenrode tybe m(ar)tii xxii