It(em) de voirs(creven) gehuysschen hebben geconsenteert gewillecort/ en(de) ov(er)gegeve(n) dat de voirs(creven) wout(er) vanden seve(n) pet(er)s erfl(ijc)/ die sij alnoch behoude(n) opde voirs(creven) goede jairlijcx ond(er)houde/ vier en(de) eene(n) halve(n) pet(er)s soe langhe symon de decke(re) livich/ en(de) leven(de) blijft en(de) dat hij den selve(n) symoen(e) sijn leefdage/ lanck jairlijcx d(air) mede betale sijn pachte(n) va(n) iiii(½) pet(er)s/ lijfpen(sien) die de selve symoen tot sijne(n) live alleene heeft/ en(de) heffen(de) es op ja(n)ne vande(n) bossche den jonge(n) sone des/ voirs(creven) jans als p(ri)ncipael en(de) den voirs(creven) woute(re)n als sijne(n)/ borghe Dwelc de selve wout(er) alsoe mits den selve(n)/(con)sente aengenome(n) en(de) gelooft heeft te doen(e) en(de) den/ voirs(creven) ja(n)ne en(de) sijn goede vande(n) selve(n) pachte(n) tontheffen(e)/ cor(am) eisd(em)