Wij g(oirdt) berghe schoenvorst scepen(en) te loven(e) doen cont en(de) te/ weten(e) dat opden dach van heden voir ons gecompar(eer)t/ sijn in p(ro)pe(re)n p(er)sone(n) willem van daelhe(m) en(de) jouffrouwe
//
m(ar)griete vanden ynde zijn huysvrouwe docht(er) wijlen gheerts/ die hij hadde va(n) jouffr(ouwen) katlijne(n) van woutswinckele sijnd(er)/ yerst(er) huysvrouwe(n) t(er) eende(r) en(de) m(ar)griete va(n) beckevort wed(uwe)/ en(de) leste huysvr(ouwe) des voirs(creven) gheerts vanden ynde t(er) ander(en) sijden/ En(de) sijn mynlijck ov(er)come(n) en(de) eenswordden bij raide va(n) vrinde(n)/ en(de) magen in beyde sijden genome(n) van allen alsulken questien/ diffe(re)ntien en(de) geschille(n) als tusschen de selve p(ar)tien uutgestaen/ hebben aengaen(de) den stockgoeden v(er)cregen(en) goeden en(de) ande(re)n goeden/ mette(n) vliegen(de) erve die de voirs(creven) wijlen gheert in vollen/ stoele mett(er) voirscr(even) katlijne(n) van woutswinckele sijnd(er) yerst(er)/ huysvr(ouwen) besidt der pointe(n) (con)dicien en(de) vorweerde(n) h(ier)na v(er)claert/ de welke de voirscr(even) p(ar)tien malcande(re)n gelooft hebbe(n) te onder/ houden(e) en(de) te voldoen(e) voir hen hue(re)n erve(n) en(de) nacomelingen/ tot eeuwige(n) dagen Inden yerste(n) dat der voirs(creven) jouffr(ouwen) m(ar)griete(n)/ vanden ynde ombelet van yemande jairlijcx voldaen ende/ volvuert sal wordde(n) alsulken huwelijcke(n) vorweerde als/ d(er) selv(er) jouffr(ouwen) m(ar)griete(n) vande(n) ynde met henr(icke) vanden broecke/ hue(re)n yersten man gemaict en(de) toegeseecht sijn geweest bij g(oir)de/ wijlen vanden ynde en(de) jouffr(ouwen) m(ar)griete(n) katlijne(n) van wouts/ wynckele sijnd(er) huysvr(ouwen) vad(er) en(de) moed(er) d(er) selv(er) jouffr(ouwen) m(ar)gr(ieten)/ En(de) in gevalle oft d(er) selv(er) jouffr(ouwen) m(ar)griete(n) in toecomen(de) tijden/ e(n)nige(n) stoot letsel oft impedime(n)t aengedaen wordde bijden nae/ kinde(re)n des voirs(creven) wijlen gheerts vanden ynde huers vaders oft/ oic yema(n)de anders om deswille dat e(n)nige leengoede voir/ de voirs(creven) huwelijcke vorweerde geypoteceert oft v(er)bonden moege(n)/ staen mits den welken sij de selve soude(n) willen eensdeels/ a(n)nichile(re)n dat dan en(de) in dien gevalle de voirs(creven) jouffr(ouwe)/ m(ar)griete hue(r) huwelijcke vorweerde sal moege(n) jairlijcx v(er)reycke(n)/ en(de) v(er)halen aen en(de) op alle en(de) yegewelke erflijcke goede gebleve(n)/ nae de doot des voirs(creven) wijlen gheerts vanden ynde Voirts/ es geaccordeert en(de) bevorweert dat de voirs(creven) m(ar)griete va(n) becke/ voirt leste huysvr(ouwe) des voirscr(even) gheerts vanden ynde jairlijcx/ uutreycken en(de) betalen sal der voirs(creven) jouffr(ouwen) m(ar)griete(n) willems/ van daelhe(m) huysvr(ouwen) de so(m)me va(n) thien r(inssche) g(ulden) te lx pl(a)c(ken)/ tstuck brab(ants) pay(ments) die jairlijcx vallen en(de) v(er)schijne(n) sullen opde(n)/ xvii dach d(er) mae(n)t va(n) julio Welke voirscr(even) thien r(inssche) g(ulden)/ de voirs(creven) [jouffr(ouwe)] m(ar)griete geloeft heeft te bevestige(n) aen en(de) op/ seke(re) erflijcke goede en(de) ond(er)pande gelege(n) te zichen(e) weert
//
sijnde jairlijcx xx r(inssche) gul(den) en(de) d(air) toe te v(er)vangen(e) hue(r) kinde(re)n/ ond(er) hue(r) dage wesen(de) dat sij gelijcke vestich(eit) doen selen soe/ wanneer zij tot hue(re)n dage(n) gecome(n) sullen wesen voir welck/ v(er)vange(n) innestaen en(de) d(air) voe(r) gesproken hebben en(de) sijn borghe/ bleve(n) ind(ivisim) arnt vanden ynde geheete(n) vande(n) goire oem d(er) selv(er)/ kinde(re)n jan en(de) gheert van cleve gebruede(re)n van welken ge/ lufte(n) de voirs(creven) moed(er) hen geloeft heeft schadeloos tontheffen(e)/ Es oick bevorweert dat de voirscr(even) jouffr(ouwe) m(ar)gr(iete) noch/ willem hue(r) man de voirs(creven) rinte van x r(inssche) gul(den) erflijck/ d(er) selv(er) jouffr(ouwen) m(ar)griete(n) leve(n) lanck due(re)nde niet en sullen/ moege(n) v(er)coope(n) v(er)thie(re)n noch belasten in gheend(er) wijs Mair/ sal de selve jouffr(ouwe) m(ar)gr(iete) d(air)aff moege(n) dispone(re)n en(de) ordine(re)n/ nae hue(re)n p(ro)pe(re)n eygen(en) wille nyema(n)ts wed(er)seggen(e) tege(n)/ staen(de) behalve(n) nochtans willem(me) va(n) daelhem voirs(creven) sijn/ tocht sijn leve(n) due(re)nde inde selve rinte En(de) mits desen/ hebben de voirscr(even) willem va(n) daelhe(m) en(de) jouffr(ouwe) m(ar)gr(iete)/ vanden ynde sijn huysvr(ouwe) t(er) and(er) sijden geheelijc en(de) al quijt/ geschouwen d(er) voirs(creven) m(ar)gr(ieten) van beckevort en(de) hue(re)n kinde(re)n/ va(n) allen ande(re)n saken eysschinge(n) en(de) optichte(n) die zij in e(n)nig(er)/ manie(re)n tott(er) selv(er) wed(uwen) oft hue(re)n kinde(re)n soude(n) moege(n) eysschen(de)/ sijn geloven(de) d(air)aff ne(m)mermeer aen te spreken in gheene(n)/ rechte gheestelijck noch weerlijck in gheend(er) wijs cor(am)/ julii xvii