Want g(heer)t duegens geh(eeten) de gruyte(re) als geleyt ond(er) den/ ande(re)n totte(n) goede(n) laureys fricx soewair gelege(n) sijn he(m)/ met ja(n)ne de putte(re) vorste(r) behoirl(ijc) heeft doen leve(re)n/ twee silve(re)n schalen die ja(n)ne vande(n) dale becke(r) voir/ eene(n) r(inssche) g(ulden) d(er) twee r(inssche) g(ulden) erflic die hij hadde op ja(n)ne/ roesart als p(ri)ncipael en(de) laur(eyse) voirs(creven) als sijne(n) borghe/ bijde(n) selve(n) laur(eyse) pantsgewijse in hande(n) gestelt wa(r)en/ Welke rinte voirs(creven) geheelijc gelost en(de) gequete(n) was en(de)/ den selve(n) ja(n)ne vande(n) dale dach va(n) rechte doen/ besceyden te compare(re)n inde banc voir meye(re) en(de) scepen(en)/ van loven(e) oft hij hem d(air) tege(n) hadde willen oppone(re)n/ ald(air) hij hem niet en heeft come(n) oppone(re)n den voirs(creven)/ geleydden (com)pare(re)nde en(de) trecht voirt v(er)sueken(de) Soe/ hebben scepen(en) va(n) loven(e) t(er) manissen smeyers gewesen/ voir een vo(n)nisse nae dat hen gebleken hadde de voirs(creven)/ executie geschiet te sijne dat men den voirs(creven) goeden
//
geleydden vanden voirs(creven) goeden houden soude inde macht/ van sijne(n) beleyde alsoe v(er)re alst noch voir scepen(en) comen/ es In sca(m)pno octobr(is) ii