Nae dien dat op heden come(n) es bijden raide vander stat/ gerardus duys inden name van hem ende zijne(n) swage(re)n als/ maghe ende vrinde en(de) van wegen g(er)truyden van wynghe/ docht(er) wijlen henr(ix) van wynghe die hij hadde van jouffr(ouwen)/ katlijne(n) vanden berghe nu t(er)tijt huysvr(ouwe) meest(er) pet(er)s vander/ heyden onder hue(r) ja(r)en wesen(de) bege(re)nde der selver seke(re)/ momboirs en(de) tuteurs van heurs vaders weghe(n) gestelt/ te wordden om alle hue(r) stuck(en) en(de) saken te beleiden(e) bij/ raide en(de) advise der selver mo(m)boiren en(de) tuteurs Ende/ te voirde(r) want vander moeder zijden der selver g(er)truyden/ e(n)nige mo(m)boirs geordineert en(de) gestelt wa(r)en Soe sijn/ bijder wet yerst h(ier) op advijs gehadt hebben(de) aensien(de) de/ voirs(creven) redelijcke beg(eer)t(en) hier toe gestelt en(de) genoempt om/ de voirs(creven) mo(m)boiren taenveerden(e) van huers vaders wege(n)/ en(de) dbest in dien te doen bij advise vanden ande(re)n mo(m)boire(n)/ vander moeder wege(n) meester pete(re)n zoeten en(de) anth(onise) van/ wynghe meye(r) tot lubbeke de welke de wethoude(re)n in/ desen macht gegeven hebben en(de) mits desen geven om der/ voirs(creven) g(er)truyden saken te beleyden sculden en(de) rinte(n) der/ selver te vervolgen(e) ende in allen te doen zoe zij bevind(en)/ sullen behoiren(de) ten meesten orbe(re) der selver [hue(re)n] saken/ Salvo iusto calculo in (con)silio opidi octobr(is) xxvi