It(em) claes alpens geheete(n) de groote inden name van/ loenijse sijne(n) sone absent sijnde die hij h(ier) inne gelooft/ te vervange(n) t(er) eende(r) en(de) robbeerde lambrechts va(n) sinte/ omers t(er) ander(en) sijden sijn ov(er)comen en(de) v(er)accordeert aen/ gaen(de) d(er) zoene(n) vanden dootslage bijden voirs(creven) loenijse/ geschiet inden p(er)soen va(n) philippot lambrechts brueders/ des voirs(creven) robbeerts bij middele en(de) onderwijse van/ goeden mans in wed(er)sijden opde manie(re) en(de) vuege/ hier nae volgen(de) die sij in wed(er)sijden soe v(er)re het/ elcker p(ar)tien aengaet gelooft hebben te voldoen(e) en(de) tacht(er)/ volgen(e) Te weten(e) yerst dat de voirs(creven) claes den voirs(creven)/ robbrechte geve(n) en(de) betalen sal tusschen dit en(de) morge(n)/ avont thien r(inssche) gul(den) te lx pl(a)c(ken) tstuck en(de) noch de/ so(m)me va(n) thien r(inssche) gul(den) te lx pl(a)c(ken) tstuck bynne(n) xv dage(n)/ naistcomen(de) t(am)q(uam) ass(ecutu)[m] En(de) dat hij sal doen doen tgebet
//
van vierdalf hond(er)t cloeste(re)n voir de salich(eit) d(er) zielen des/ voirs(creven) dooden En(de) dat hij oic de voirs(creven) loenijs doen sal/ een bedevaert s(in)[t] jacops in galissien sond(er) verdrach/ ende derweerts porren bynne(n) xl dagen naistcomen(de)/ en(de) d(air) aff goede wairh(eit) bringen soe dat behoirt Ende/ t(er) ander(en) sijden heeft de voirs(creven) robbeert mits desen quijtge/ scouwe(n) en(de) v(er)gheve(n) den voirs(creven) loenijse en(de) sijne mede/ plege(re)n magen en(de) vrinde(n) de doot va(n) sijne(n) brueder/ voirs(creven) en(de) d(air)aff gelooft inne te stane tegen eene(n)yege/ lijcken En(de) dair aff is borghe desselfs robbeerts willem/ roelants Et idem robbertus p(ro)misit eu(m) exin(de) indemp(nem)/ r(e)leva(r)e Ende sal tallen tijden de voirs(creven) robbeert alst/ ment beg(eer)t den voetval bijden voirs(creven) loenijse ontfaen/ cor(am) vynck hove julii xiii/ /

Robb(er)t(us) la(m)brechts/ r(e)cepit istos xx/ flor(enos) r(enenses) hoc (con)te(n)tus?/ julii xvi lxxxvii