Vand(er) aenspraken die willem va(n) lele als p(ro)cur(eur) lijsbette(n)/ swelde(n) inden name alijte(n) hue(re)r docht(er) in hue(re)n broode/ wesende gedaen op nychasio weert in sinte [m(er)ten] te vos/ capelle inde banck voir meye(re) en(de) scepen(en) van loven(e) seggen(de)/ dat de selve altijt des een half jair oft d(air) omtri(n)t gelede(n)/ mocht sijn gecome(n) was te voscapelle inde h(er)berge/ van s(in)[te] m(er)ten voirs(creven) met huer bringen(de) een pack met/ clede(re)n te weten(e) rock coerse pelse en(de) huycke (et)c(etera) ende/ dat d(er) selv(er) alijten gevraecht wert va(n) twee goede/ mans d(air) wesen(de) die huer kinden oft zij niet mede/ thuysweert gaen en woude en(de) dat sij doen d(air)op ant/ weerde ja ic haddick mijn cleede(re)n ic wilse gaen halen/ It(em) dat de ghene dat vragen(de) doen saten en drancke(n)/ int vosken te voscapelle en(de) dat alijt alsdoen van/ hen schiet gaende om hue(r) cleede(re)n in s(in)[te] m(er)ten voirs(creven)/ It(em) dat corts d(air)nae de selve alijt wed(er)om qua(m)/ bij hen int vosken clagen(de) dat sij hue(r) cleede(re) niet en/ conste gecrijge(n) mits dien dat de weert en(de) weerdy(n)ne/ d(air)aff niet sceyden en woude(n) It(em) en(de) dat de goede mans/ t(er) beg(eer)ten va(n) alijte(n) ghinge(n) bijden weert en(de) weerdynne/ in s(in)[te] m(er)ten hem vragen(de) oft alijt he(m) yet sculdich wa(r)e/ en(de) wair o(m)me sij huer huer cleede(re)n niet geve(n) en woude(n)/ want wair sij hen yet sculdich sij woudent duegh/ delijck voir huer betalen en(de) dat doen de weert ende/ weerdynne antweerde(n) sij en wa(r)e hen niet sculdich/ nochtan en souden sij hue(r) huer cleede(re)n niet wed(er) geve(n)/ mair sij soudense geve(n) hue(re)n man It(em) dat hen d(air)op/ geantweert en(de) gecundicht wert dat sij niet gehouwt/ en was en(de) dat de man een and(er) wijff hadde en(de)/ dat de selve weert en(de) weerdynne d(air)op seyden dat/ d(air) niet aen en laghe hij mocht wel twee wive(n)/ trouwen hij heeft geweest mette(n) keyse(re) ov(er) berch en(de)
//
dat doen t(er) tijt den selve(n) weert en(de) weerdynne geseecht/ en(de) gevecht wert dat sij wel toesagen en(de) die cleede(re)n/ alsoe v(er)waerden dat zij d(air)aff rekeni(n)ge mochte(n) doen/ want men die nyemande dan hen eysschen en soude/ en(de) dat t(er) stont nae desen ten v(er)sueke va(n) alijte(n) gecome(n)/ es inde(n) m(er)ten voirs(creven) de meye(r) va(n) stertbeke en(de) heeft/ de voirs(creven) cleede(re)n ald(air) wesen(de) gerasteert en(de) dat de/ selve alijt noch was en(de) es ongehoudt in hue(re)r moed(er)/ broode en(de) altijt gewoent heeft met hue(re)r moed(er) tot/ dat sij ewech ghinge en(de) dat alle de cleede(re) voirscr(even)/ gemaict en(de) gecrege(n) sijn bij hue(re)r moed(er) en(de) met hue(re)n/ p(ro)pe(re)n pe(n)ni(n)gen goede(n) dese en(de) meer ande(re) pointe(n) tot hue(re)n/ rechte dienen(de) p(rese)nteerde de p(ro)cur(eur) voirs(creven) te bewijsen op/ dat he(m) die ontkint wordde(n) hopen(de) wair hij die gethoene(n)/ conste dat de voirs(creven) weert en(de) weerdynne int vosken/ voirs(creven) hue(r) cleede(re)n sculd(ich) soude(n) sijn te restitue(re)n oft de/ weerde d(air)aff oft d(air)aff hue(re)n goeden moet hebben Dair/ tege(n) de voirs(creven) nychasius hem v(er)antweerden(de) niet volcome/ lijck en bekinde de p(ri)ncipale pointe(n) van des voirs(creven) p(ro)cur(eur)s/ bijleggen(de) mair dede segge(n) hoe dat hij oft de sijne dat/ pack uut d(er) voirs(creven) alijte(n) hande(n) die d(air) qua(m) met eene(n)/ mans p(er)sone niet en hadden ontfange(n) en(de) dat sij dat/ niet en soude conne(n) bewijsen Sij en wiste(n) oic niet/ wien tselve pack toebehoirde al mocht sij mede come(n)/ En(de) al en wa(r)e des niet soe p(rese)nteerde hij te bewijsen/ dat sij nae d(er) hant gekint hadde te vrede(n) te sijne/ vand(er) ov(er)leveri(n)gen en(de) quitan(cien) d(air)aff gegeve(n) en(de) men/ en soude niet bevi(n)den alse sij d(air) qua(m) om tpack te/ beslane dat tselve doen d(air) was en(de) hadden sij dan/ dat ov(er)gelev(er)t den ghene(n) die he(n) dat gelev(er)t hadde/ die een roekeloos geselle was va(n) aventue(re)n der/ orloge(n) volgen(de) dair sij niet g(er)ne geschille tege(n) aenge/ nome(n) en soude(n) hebben soe hadden sij gedaen tgene/ des hem dochte dat behoirde Desen aengesien hoopte/ hij d(er) aenspraken ongehoude(n) te sijne Wair op beyde p(ar)tien/ tot hue(re)n thoene gewijst sijnde d(er) voirs(creven) aenlegg(er)sse(n)/ p(ro)cur(eur) inden meeste(n) deel volqua(m) ald(er) pointe(n) bij ge he(m)/ bijgeleecht and(er)s dan dat de ghene die tuyge(n) tpack/ niet en sagen en(de) dat sij de cleede(re) dede raste(re)n soe/ v(er)re die d(air) wa(r)en en(de) dat de weert en(de) weer/ dynne seyden datse de man ewech hadde en(de) dat
//
die dair niet en wa(r)en En(de) de voirs(creven) weert thoende oic/ genoech sijn v(er)mete(n) pointe(n) voirs(creven) Es get(er)mineert bijden/ raide vand(er) stat nae dien dat de scepen(en) va(n) loven(e) met/ hue(re)n vo(n)nisse de sake ind(er) stat hande(n) en(de) tott(er) selv(er) stadt/ t(er)mi(n)acien hebben gewesen en(de) dat de selve scepen(en) den/ selve(n) raide tproces va(n) dien behoirlijc gerapporteert/ hebben die den thoen en(de) alle gelegenth(eit) va(n) dien aenge/ hoirt cleerden dat de weert nae dadvertisseme(n)t dat/ hij hadde voe(r) d(er) ov(er)leveringe(n) vanden cleede(re)n gehoude(n)/ sal sijn naird(er) besceyt te doen(e) vande(n) selve(n) cleede(re)n oft d(er)/ aenlegg(er)ssen d(air)aff inne te stane Det(er)mi(n)atu(m) in (con)silio/ opidi p(rese)ntib(us) pynnock hove burg(imagistr)[is] g(odefrido) berghe scoe(n)vorst/ scab(inis) et plu(r)ib(us) aliis de (con)silio junii xxviii