It(em) jan van moerssele wonen(de) te loven(en) bekint sculdich te zijne daneele cuelens wonen(de) tov(er)yssche in thoff t(er) deect alle jae(re)/ erffelijc drie mudde(n) rocx lovens pachts en(de) twee gulden(en) croene(n) te xxiiii stuv(er)s tstuck en(de) drie pl(a)c(ken) voe(r) den st(uver) tvoirs(creven) coren/ altijt te kersmisse te betalen(e) en(de) int voirs(creven) hoff vand(er) deect te leveren(e) d(air)af den yerste(n) pacht valle(n) sal va(n) kersmisse naistcomen(de)/ ov(er) een jair en(de) tvoirs(creven) ghelt altijt ts(in)t jansmisse te v(er)gelden(e) Met vorweerde(n) datme(n) elck mudde va(n)den coren(en) sal moege(n) quijte(n)/ om xviii ryders te xxxx st(uver) tstuck en(de) iii pl(a)c(ken) voe(r) den st(uver) alsulke(n) placke(n) als dan gemeynlic gae(n) zulle(n) in borsen het zij teenen/ male oft met eene(n) mudde rox tsjaers [tsmaels] en(de) elx vand(en) voirs(creven) twee guld(en) croene(n) om xviii crone(n) en(de) voe(r) elke croene xxiiii stuv(er)s/ en(de) iii pl(a)c(ken) voe(r) den st(uver) oic alsulke pl(a)c(ken) als dan gemeynlijc in borse(n) gae(n) zulle(n) het zij teene(n)male oft met eenre crone(n) tsmaels/ en(de) mette(n) pachte en(de) chijse nae de gelande vande(n) tijde en(de) dit t(er) manisse(n) te besetten(e) op jans goede tov(er)yssche etc(etera) cor(am) vos vynck/ sept(embris) viii