Acht(er)volgen(de) der t(er)minacien gegeven m(ar)tii xiiii lestleden bijden/ raide vand(er) stadt tusschen pete(re)n van voshem als mo(m)boir van/ agneeten wilen vand(er) varent zijnder werdynnen ter eend(er) ende/ janne den bastart geheete(n) wiggers met zijne(n) consorten ter/ ande(re) zijden soe heeft de voirs(creven) peet(er) op heden sijnen thoen/ geleydt aengaen(de) den garen(en) et lijne(n)laken(en) dwelc de selve/ peet(er) p(rese)nteerde sijnder huysvrouwe(n) toebehoirt ende huer prope(r)/ geweest te hebbene inder maten de selve t(er)minacie dat begrijpt/ den welken de selve nae sijn v(er)met dairtoe hij metter voirs(creven)/ t(er)minacien gewesen was genoech volcomen es als dat de/ wethoude(re)n opde selve materie int lange gelet hebben(de)/ uuytgesproken ende get(er)mineert hebben dat den voirs(creven) pete(re)n/ dlijnen laken ende oick tgaren dair questie af es schuldich es te/ volgen naeden thoen ende wairheyt dairaf bij hem geleydt/ staen(de) anderssins oick o(n)verlet op sijn recht ende thoen/ die hij hem v(er)mete(n) mochte te hebbene aengaen(de) e(n)nigen ande(re)n/ goeden dair de voirs(creven) peet(er) meer inne gericht soude moege(n) wese(n)/ uuyt saken van zijnder werdynne(n) voirs(creven) act(um) in consilio/ opidi m(ar)tii xvi
//