It(em) bartholemeeus vand(en) eede in p(rese)ntia heeft gekint en(de)/ gelijdt mits desen ontfangen te hebben van janne van/ vaelbeke xvii(½) croenen dairaf roelof van berthem de/ ande(re) helicht heffende es de croene te xxxviii stuv(er)s in loepend(er)/ mu(n)ten van alsulken xxxv croenen erffelijck als zij jairlijcx
//
heffen(de) zijn op zeke(re) beempde oft eeusselen gelege(n) ond(er) werchte(re)/ toebehoiren(de) janne van vaelbeke voirs(creven) te twee t(er)mijnen/ vallen(de) te weten(e) deen helicht te sinte jansmisse ende dand(er)/ helicht te kersmesse ende dit vanden t(er)mijnen van sinte/ jansmisse ende kersmesse beyde lestleden scelden(de) dairom/ volcomelic quijte den selve(n) janne sijn goede en(de) alle ande(re) des/ quitan(cie) behoeven(de) vanden voirs(creven) twee t(er)mijne(n) ende van allen/ ande(re)n voirleden(en) t(er)mijnen welke betalinge ind(en) werden voirs(creven) b(ar)thelemeeus ontfangen(de) es op alle gewoenlike p(ro)testacien/ ende zonder p(re)iudijs van zijnen rechte van meer te moegen/ heffen ende oic navolgen(de) den appointeme(n)te inden raide van/ brabant aengaen(de) der valuacien der zelver rinten tusschen/ partien aldair gewesen ende hier voe(r) es borge jan van/ berthem roelofs zone et p(ri)mus cor(am) oppendorp vynck maii v[ta]/