It(em) ghorijs voirspoel zone wilen jans in p(rese)ntia heeft gekint/ ende gelijdt met consente wille ende ov(er)staene henr(ix) goirts en(de)/ henr(ix) sruysvelt zijnd(er) vrinde ende maghe van zijns vaders/ wegen dat hem volcomelic ende altemale genoech gedaen es/ bij janne vand(er) roost als principael woute(re)n vand(er) roost zijne(n)/ brued(er) ende janne bairts zijne(n) neve als borgen van allen en(de)/ yegewelke(n) geluften ende so(m)men van pe(n)ningen ende anders/ als de selve p(er)soene hier voirtijts hem gedaen hebben aengaen(de)/ den dootslage gedaen bij janne vand(er) roost voirs(creven) inde(n) p(er)soen/ henr(ix) van voirspoel brued(er)s der voirs(creven) ghorijs scelden(de) d(air)af/ met consente als voe(r) volcomelic quite den voirs(creven) janne vand(er)/ roost zijne(n) borgen voirs(creven) en(de) alle ande(re) des quitan(cien) behoeven(de)/ geloven(de) dairaff nu(m)mermeer aen te spreken in gheene(n) rechte
//
gheestelijck noch weerlijck mair dairaff inne staen ende/ warant zijn tot eeuwigen dagen cor(am) vos vynck maii xiiii