It(em) jan scrijne sone wijlen jans heeft gekint vercocht te hebben(e)/pete(re)n de becke(re) schrij(n)make(re) en(de) den selve(n) pete(re)n gelooft te leve(re)n/van smaendaichs voir sinte pauwels dach in januario lestled(en)/een jair lanck due(re)nde alle weken een halst(er) t(ar)wen en(de) een/halst(er) rox mate va(n) loven(en) alsoe goet als lepelcame(re) telker/weken sijn sal Elck halst(er) van dien om vii st(uvers) met (con)dicien/dat pet(er) hier inne sijn wed(er)segge(n) hebben sal en(de) moegen/v(er)dragen sijn de leveri(n)ge tontfane alst hem gelieft Ende/dat de selv(er) pet(er) yerst gehoude(n) sal sijn betalinge te doen(e)/als djair o(m)me es oft als hij de leveri(n)ge opseecht en(de) niet/eer dwelc de selve pet(er) alsoe gelooft heeft te doene/It(em) oft ja(n)ne bynne(n) den selve(n) jaire beliefde de leveri(n)ge/niet meer te doene dat in dien gevalle de voirs(creven)/pet(er) ongehoude(n) sijn sal e(n)nige betalinge te doen(e) va(n) des/hem alsdan tot dien dage gelevert sal sijn geweest En(de)/de selve jan heeft voirt bekint opde voirs(creven) coma(n)scap/vande(n) voirs(creven) pete(re)n gehave(n) te hebben(e) vii pet(er)s te liiii/pl(a)c(cen) tstuck oft de weerde d(air)aff hoe wel hij gheen beta/linge en hadde derve(n) doen voir de leste leveri(n)ge gelijck/voirscr(even) steet cor(am) hoeve(n) vynck julii ix