Vander questien gecome(n) inden raide vand(er) stadt tusschen/arnde hanckart aenlegge(re) t(er) eende(re) tegen ja(n)ne hubrechts/cleed(er)make(re) t(er) and(er) sijden beyde ingeseten(en) poirte(re)n va(n) des(e) stat/aldair de voirs(creven) arnt seyde en(de) opleyde den voirs(creven) ja(n)ne/dat hij bove(n) seke(re) naird(er)scap bij arnde geboden op seke(re) erfgoede/die jan gecocht hadde tegen de mo(m)boirs linkens docht(er)/pet(er)s wijlen vand(er) wympen die hij hadde va(n) marien/wijlen kempeneers sijnd(er) huysvr(ouwe) en(de) oic bove(n) trastame(n)t/en(de) co(m)me(re) die arnt dair op behoirlijck al nae der bancken recht/gedaen hadde hadde gaen vanden selve(n) goeden ombeslicht/en(de) [on]gepuert van desselfs arnts geboden(e) naird(er)scape en(de) rasta/mente en(de) in p(re)judicien vanden selve(n) arnde eene(n) derden/man bij hem toegemaict als hij seyde naird(er)scap kynnen/en(de) de vernaederde en(de) becu(m)merde goede eer arnts voirscr(even)/calangie vand(er) naird(er)scap en(de) rastame(n)te beslicht oft met/rechte gepuert mocht wesen overgegoedt hadde sond(er)/dat de selve jan oeyt vanden selve(n) lesten naird(er)linge/aensochte oft begheerde e(n)nigen thoen van nairde(re) dan/arnt te sijne oft oick eedt dat dat voir hem selven/was en(de) nyema(n)de anders en(de) met sijns selfs penni(n)gen/en(de) nyema(n)ts anders mair dat hij jan hem dies al v(er)drage(n)/hadde met meer ande(re) div(er)se pointe(n) en(de) feyten desen aengaen(de)/bij hem innegeleecht en(de) die hij p(rese)nteerde te thoene(n) hopen(de)/voir sijn (con)clusie wair des bevonde(n) wordde alsoe bij/ja(n)ne geschiet te sijne bove(n) de rechtvorderinge rastame(n)ten/en(de) den sette(n) vanden penni(n)gen bij hem als naird(er)ling gedaen/t(er) plaetsen d(air) de goede gelegen sijn dat de selve jan/sculdich soude sijn den selve(n) arnde de voirs(creven) ombehoir
//
lijke kynnisse van naird(er)scape en(de) guedinge den lesten/naird(er)ling bij hem gedaen eene(n) geheete(n) jan va(n) guetrode/costeloos en(de) scadeloos aff te doen(e) en(de) arnde va(n) dien/te stellen(e) inden staet recht en(de) wesen(de) dair hij inne/was eer hij den derden oft lesten naird(er)ling voirs(creven) sijn/naird(er)scap kinde en(de) de selve p(re)tense guedinge in p(re)judicien/van arnts vorsten ombeslichten geboeden(e) naird(er)scap dede/dair tegen de voirs(creven) jan hubrechts hem verwonderde/vanden voirnemen(e) des voirs(creven) arnts seggen(de) dat voir en(de)/eer de goede dair questie om es v(er)cocht wae(re)n den voirs(creven)/ja(n)ne hubr(echt) dat de v(er)coop(er)s arnde die p(rese)nteerde(n) te v(er)coope(n)/eer hij jan hubrechts die cochte en(de) dat hij jan den selve(n)/arnde de coma(n)scap bij hem gedaen p(rese)nteerde ov(er) te late(n)/nae d(er) hant als hij die gecocht mocht [hebben] soe hij seyde en(de)/hoe dat de guedinge hem gedaen was bij den mo(m)boirs/vanden kinde(re)n voirs(creven) als v(er)coop(er)s en(de) alsoe die ov(er)gegoet/hadde janne van guetrode voirs(creven) als naird(er) recht dair toe/hebben(de) soe de selve van guetrode meynde dan de/voirs(creven) arnt die hem de pe(n)ni(n)gen vand(er) coma(n)scap nae/tp(re)sente(re)n van sijnd(er) naird(er)scap uutgereyct hadde en(de)/alsoe den selven gegoedt Seyde oic dat de voirs(creven)/arnt en(de) jan van guetrode om des(e) saken wille/in questien gestaen hadden t(er) plaetsen d(air) die goede/gelegen wae(re)n en(de) seke(re) vo(n)nissen tussche(n) p(ar)tien ald(air)/geslagen en(de) gegeven ten vordele vande(n) voirs(creven)/ja(n)ne van guetrode soe hij seyde hopen(de) voir sijn/(con)clusie dat de voirs(creven) arnt nae alles gheens des/inde banck voirs(creven) dair de goede gelegen sijn geschiet/es dat hij in desen op hem v(er)doelt wae(re) ontkynnen(de)/den selve(n) arnde sijn voirneme(n) van sijne(n) aenleggen(e)/voirs(creven) en(de) oick ande(re) div(er)se frauden en(de) bedriechenissen/die hij jan voirts gekeert soude hebben van diverse/p(er)sone(n) toe te maken(e) om den voirs(creven) arnde vander/naird(er)scap uut te sluyten(e) die hij arnt oic bijleyt/te thoenen(e) Mair geliefde hem desen aengaen(de) op /ja(n)ne hubrechts oft yema(n)de anders mits den goede(n)/voirs(creven) voirts te varen dat mochte hij doen t(er) plaetse(n)/voirs(creven) om d(air)aff te gescieden soe behoire(n) soude met meer/woirden in wed(er)sijden geallig(er)t als dat de wet/houders ov(er)hoirt hebben(de) de voirs(creven) geschillen den voirs(creven)/arnde tot sijne(n) thoene vande(n) voirs(creven) pointe(n) bij hen
//
bijgeleecht geadmitteert hebben en(de) d(air)toe gewijst den welken/bij hem genoech volcome(n) sijnde ten dage dair toe genomen en(de)/gep(re)figeert besund(er)t en(de) onder den ande(re)n dat de voirs(creven) jan hubrechts/boven de v(er)nairderinge bij arnde yerst gedaen co(m)meringen en(de)/rastame(n)ten in dien en(de) al met rechte en(de) oick met settinge(n) van/penni(n)gen ond(er) de wet soe dat behoirt en(de) oic div(er)se frauden/bijden selve(n) ja(n)ne in desen voirts gekeert eer hij ja(n)ne van/guetrode guedinge dede om arnde voirs(creven) uut de sluyten(e)/en(de) sijn naird(er)scap voe(r) te gane hebben de wethoud(er)s op al/int langhe gelet hebben(de) des p(ar)tien in wed(er)sijden geseecht/mochte(n) hebben en(de) bijbracht uutgesproken en(de) get(er)mineert voir/recht dat jan hubrechts voirscr(even) de goede d(air) questie aff es/bij hem ja(n)ne van guetrode ov(er)gegoet bove(n) de rastacie/setten va(n) pe(n)ni(n)gen en(de) alle rechtvorderinge(n) bij arnde hanck(art)/als recht va(n) naird(er)scape d(air) toe p(re)tende(re)nde gedaen ond(er)/bynckem dair de goede gelegen sijn sculdich sal sijn wed(er)/o(m)me in she(re)n handen te stellen(e) oft doen stellen(e) ind(er) maten/en(de) tot alsulken wesen(e) en(de) rechte die voir der guedingen/bij hem gedaen dien van guetrode voirs(creven) scouden om d(air)entinde(n)/elken hue(re) recht va(n) naird(er)scapen totte(n) selven goeden v(er)meten(de)/trecht vand(er) banck dair onder de goede gelegen sijn te gesciede(n)/soe behoire(n) sal in consilio opidi septembr(is) x/