Alllen den genen etc(etera) doen condt dat heer m(ar)tin florent prieste(r) aeldijnc/ en(de) deelnemere metsgaders adriaen florent poortre vand(er) stede van brugghe/ zijne(n) broede(r) van alle der successye ende verstervenesse bleven naer den/ overlijdene van jacop florent huerlieden broede(r) ooc poortre en(de) ov(er)leden/ ind(er) stede van brugghe ende maecte machtich ende stelde in zijne stede/ den voirs(creven) adriaen florent zijnen broede(r) o(m)me over en(de) inden name van hem/ te compare(re)ne voor burg(er)meest(er)s scepen(en) en(de) raet vand(er) stede van brugghe/ voort voor deken en(de) deelma(n)nen vander selv(er) stede ende alo(m)me eldre voor wat/ justicien dat het zij geestelic oft weerlic ende behooren zall ende aldair/ wettelic en(de) behoorlic te renu(n)chie(re)ne of te ghane en(de) wettelic te buten te/ ghane van alsulken rechte als de selve heer m(ar)tin zeyde en(de) p(re)tendeerde te/ hebbene aen twee l(ette)ren of brieven mentioen makende van hondert ende/ lxx ponde(n) pariss(ijs) lijfrenten tsjaers staende ten liven vanden voirs(creven) wijlen/ jacop zijnen broedere en(de) joncvrouwe katlijne nu zijne weduwe ende/ ten lancxsten live van hem beeden geheel gedue(re)nde dair hij in hij/ constituant coope(re) staet te betalen(e) zo de l(ette)ren oft brieven ond(er) den zegel/ vanden abt en(de) convente vanden cloostre van sinte gheleyns in henegauwe/ metten verbande van al tsvoors(creven) cloost(er)s goedingen breede(r) v(er)claren ende/ uutwijsen o(m)me de voirs(creven) lijfrente met diesser aencleift der voirs(creven) weduwe/ te laten bringhene in gedeele metten ande(re)n goedingen van huyse(n) erven/ renten catheylen en(de) anders gebleve(n) naer den ov(er)lijdene van wijlen jacop/ hue(re)n broede(r) ende dat gedaen elken zijn paert te bewijsene zoe dat/ heesschen en(de) beghee(re)n zall met diesser aencleift den selven zijne(n) p(ro)cur(eur)/ geven(de) vulle macht auctoriteyt ende speciael bevel o(m)me dairof te/ passe(re)ne en(de) doen expedie(re)n zulke l(ette)ren en(de) brieven als dair toe dienen/ en(de) behoiren zall het zij bij renu(n)chiacie opdrachten of andre d(air) toe/ p(ro)fitelijc ende nuttelic naer den wetten en(de) costumen vand(er) voirs(creven) stede/ van brugghe metten garande of and(er)ssins ter ald(er) best(er) v(er)zekerthede/ datmen zall co(n)nen ende moegen ten p(ro)fijte en(de) vordeele vander voirs(creven)/ weduwe ofte vanden ghenen die die l(ette)ren of brieve(n) van lijfrenten/ toegedeelt zullen wesen zond(er) in tijden toe te co(m)mene eenich recht d(air)an/ te heesschene of te willen hebbene of te ooc ter causen van dien yemende/ eeneghe molestacie oft empeschem(en)t te doene in eeneg(er) manie(re)n voort o(m)me/ over en(de) inden name vanden voirs(creven) heer martin deel te nemene deel te/ ghevene uutcoop te makene v(er)dracht te doene van alzulken deele successye en(de) verstervenesse meuble en(de) immeuble als den selven heer martin v(er)storven/ ende gesuccedeert es bijden ov(er)lijdene vanden zelven jacop wijle(n) zijne(n) broede(r)
//
voorts in dien hets noot zij in gedijnghen dairo(m)me te tardene voor burchmeest(er)s/ scepen(en) ende raedt der selver stede van brugghe voor deeken ende deelma(n)nen/ aldaer ende alo(m)me eldre daert van noode wesen zall processen ende gedijnghen/ dair om te volghene ende sustine(re)ne alsoe wel heesschene als verweerende die/ met all hue(re)n stijlen ende ordenen van p(ro)cede(re)ne ende ooc dilayen diere toe/ dienen te volghene tote den hende quitancie vand(er) voirs(creven) successye ende/ verstervenesse te ghevene opdracht daer of te doene garant dairof te doene/ ende belovene inden name vanden selve(n) heer martin ende vander selver/ successye ende verstervenesse te renu(n)chie(re)ne op dats noot wae(re) ende g(e)n(er)alic/ ende sp(eci)alic al te doene dat de voirs(creven) constituant selve dair toe doen zoude/ moghen in dien hij selve jegewordich ende voor oogen wae(re) ende ooc al te/ doene datter naer den rechten wetten costumen en(de) usaigen vander zelver/ stede van brugghe sculdich es ende behoort gedaen te zijne ende de/ zelve heer maertin in persoene dair toe ende totter renu(n)ciatie of te buten/ ghane vanden voirs(creven) hondert en(de) lxx ponde(n) parisi(i) lijfrenten tsjaers v(er)claert/ inde voirs(creven) l(ette)ren of brieven vooren verhaelt ende tot all dies vooren/ gespecificeert staet doen zoude moegen waert dat hij iegewordich en(de)/ voor ooghen wae(re) met gezond(hey)t noch v(er)tegestekten cum p(otes)tate/ substituendi beloven(de) etc(etera) renu(n)cians cor(am) hove burg(imagistr)[o] oppendorp/ vos scabinis decembri ix/