Item meester amelis thou prieste(r) sone wijlen ghijsbrechts thou/ van delft in p(rese)ntia heeft gekint ende geleden vercocht te hebben(e)/ hee(re)n janne kempensone vander goes prieste(r) een huys metten/ toebehoirten wijlen toebehoiren(de) hee(re)n ende meeste(re)n willem(me) van/ delft doctoir als hij leefde in beyde rechten gelegen bijde proeftstrate/ poirte tusschen de goede ottens van hooch straten ter eenre en(de)/ de goede der stadt van loven(en) t(er) ande(r) zijden strecken(de) acht(er)wert/ totten vesten der zelv(er) stadt om ende voe(r) de so(m)me van ix(½) rinsguld(en)/ te lx pl(a)c(cen) tstuck erfeliker rinten den pe(n)ninck xviii sonder den last/ dair te voe(re)n dair uutgaende te weten(e) de weerde van xxxii stuv(er)s/ in diversen ouden chijse geloven(de) de voirs(creven) meester amelis renu(n)cie(re)nde in desen den p(ri)vilegien der eerwerdig(er) univ(er)siteyt van
//
loven(en) ende allen ande(re)n bynnen drie maenden naistcomen(de) zoe verre/ het veylich zijn zall te reysen(e) [tusschen brabant en(de) hollant] te bringen(e) jouffr(ouwe) g(er)truyt weduwe/ des voirs(creven) wijlen ghijsbrecht thou zijne moeder ende vrancken thou/ zijnen brueder voir scepen(en) van loven(en) ende alsdan den voirs(creven) he(re)n/ janne kempensone guedinge en(de) vestich(eyt) te doene vanden voirs(creven)/ huyse metten toebehoirten nae des(er) stadt recht ende de guedinge/ dairaf gedaen zijnde zall de voirs(creven) h(er)jan alsdan sculdich zijn t(er)/ stont af te leggen(e) de so(m)me van iiii rinsguld(en) erflic dwelc de/ zelve h(er)jan renu(n)cie(re)nde alsoe geloeft heeft te doene en(de) tsurplus/ te weten(e) v(½) rinsguld(en) erflijc zal de zelve h(er)jan oic moegen/ quiten zoe wanneer hem dat gelieven zall den pe(n)ninck xviii/ teenen male te twee malen oft te drie malen ende niet min dan/ tderdendeel d(air)af telken male en(de) met vollen rinten cor(am) vos vynck/ januarii viii
//