Nae dien dat in tijden voirlede en(de) oic op heden bijden raide/ vander stadt comen zijn anthoenis van wynge t(er) eend(er) versueken(de)/ voldaen te hebbene zeke(re) scepen(en) brieven bekint bijd(er) weduwen/ van dyeven ende willem(me) de witte hue(re)n behouweden sone als/ van sesse hondert rinsschegulden(en) dairaff hem alnoch comen/ souden drie hondert ende eene(n) rinsgulden(en) dairaf hij begheerde/ betalinge ende hadde dairaf de voirs(creven) persoenen doen houden/ gelijck dat bij voirgaen(de) t(er)minacien ende uuytspraken dairaff/ bijder stadt gebuert genoech blijcken mach dair tegen de voirs(creven)/ weduwe ende willem gesustineert hebben dat sij gestaen souden/ met zeke(re)n erfrinten op panden genoech zijnde tott(er) voirs(creven) so(m)men
//
navolgen(de) den scepen(en) brieve d(air)mede de selve anthoenis hem/ behulpt ende dat zij metten gesetten pe(n)ningen ende so(m)men voirs(creven)/ staen(de) onder ma(n)nen van leene uut saken vand(en) questien vand(en)/ naird(er)scape vanden goeden dair questie af es te dyenen gelegen/ te weten(e) de moelen metten toebehoirten ald(air) hue(re)n wille souden/ moegen doen ende gestaen metter besetti(n)gen vand(en) rinten als/ vand(en) so(m)men voirs(creven) d(air)af zij alsnu de panden op heden ov(er)gegeve(n)/ hebben ende gep(rese)nteert te voldoene ten prijse van vynders vand(en)/ hove opdat die niet genoech en wae(re)n voir de voirs(creven) rinte den/ pe(n)ninck achtien ende mits dien de voirs(creven) obligacie en(de) brieven/ versmelten dair mede dat de voirs(creven) anthoenis geageert heeft/ met meer reden(en) in dien gealligeert te voirde(re) oic want de/ voirs(creven) anthoenis hoe wel hier voirmaels get(er)mineert mocht wesen/ dat hij de pe(n)ningen hebben ende bue(re)n soude op goede vestich(eyt)/ te doene etc(etera) de selve niet en heeft willen aenveerden noch/ innestaen oft hij meer getogen hadde dant behoorde tselve/ weder te kee(re)n es get(er)mineert ende uutgesproken nae/ alle voirhandelingen hoe wel de voirs(creven) anthoenis op heden niet/ en compareerde ende nochtan geloeft hadde te compare(re)n en(de)/ selve versocht van desen ontco(m)mert te zijne dat de voirs(creven)/ weduwe ende huer sone de voirs(creven) gesette pe(n)ningen sullen/ moege(n) aenleggen aen de stadt alhier ende die aenveerden/ uuten handen ende rechte dair die staen ende mits dien/ gelost ende omgepraemt bliven de persoenen oft ma(n)nen/ van leene die die onderhadden oft dair voe(r) gesproke(n) mochte(n)/ hebben van die altijt goet te doene ende dat de selve/ weduwe ende huer sone gestaen zulle(n) setten(e) pant/ navolgen(de) huer(er) p(rese)ntacien en(de) den principaelen scultbrieve(n)/ des voirs(creven) anthoenis om de rinte vand(en) so(m)men voirscr(even)/ den pe(n)ninck achtien op zeke(re) panden ende gronde van/ erve te setten(e) ende behoirlijck te bevestigen den voirs(creven) anthoenise/ ende dair mede gestaen genoech zijnde ter estimacien van/ vynd(er)s vanden hove ende alsoe de scepen(en) brieve(n) d(air) mede de/ selve anthoenis age(re)nde was spreken(de) van vi[c] rinsgulden(en)/ dairaf de voirs(creven) drie hondert en(de) eene(n) rinsgulden(en) resteerde(n)/ en(de) ande(re) besceyde desen aengaen(de) te nyeute te doene ende/ te casse(re)n als van t(er)minacien en(de) anderssins en(de) sculd(en) d(air)mede/ te cesse(re)n en(de) den selve(n) partien behoirlijcke vestich(eyt) te doene/ vanden goede(n) d(air) questie af es soe wa(n)neer hij va(n) zijnd(er) rinte(n) als bove(n)/ behoorlijc gegoet en(de) bevesticht zall zijn act(um) in (con)s(ili)[o] op(idi) febr(uarii) xxi
//