Nae dien dat comen sijn bijden raide vander stadt jan cleynart/ drossete des lants van rotselair ter eend(er) tegen e(n)nige geco(m)mitteerde(n)/ vanden selve(n) dorpe t(er) ande(re) zijden als van zeke(re)n costen van/ soudeniers ende anderssins die de voirs(creven) drossete den voirs(creven) dorpe/ eysschende was van zeke(re)n luden bij hem onderhouden alsoe hij seyde/ vanden beginsel vanden orloge tot noch toe loepen(de) de selve tacht(er)heyde(n)/ over de twee hondert xv rinsgulden(en) oft d(air) omtrint dairaf hij begeerde/ vernuecht te wesen dair tegen de voirs(creven) vanden dorpe hue(re) v(er)antwerde(n)/ in gescrifte ov(er)gaven tende(re)nde ten fine dat zij vanden selven costen/ die hij seyde gedaen te hebbene ter bewairnissen vanden dorpe ongehoude(n)/ souden zijn te voirde(re) want zij hem niet te wercke gestelt en hadden/ noch niet geloeft mair altijt bereet geweest ende noch waren/ tvoirs(creven) dorp thuys vanden heerscape aldair ende oick ter heyden/ nae hue(re)n besten met hen te bewaren(e) alsoe zij oick tot h(ier) toe gedaen/ hadden hoepen(de) alsoe vanden voirs(creven) eyssche ongehouden te zijne/ mair was wair dat bij tusschen spreken(e) ende middele va(n) vriende(n)/ zij tande(re)n tijden hierop vergadert hadden geweest ende mochten/ den selven drossete toegeseecht hebben voir zijnen persoen t(er)/ bewairnissen vanden gemeynen dorpe thien stuvers sdaighs/ soe wanneer hij bij he(m) ald(air) bleve ende hem van dair niet en/ absenteerde om met malcande(re)n in dien dbeste te doene dairop/ zij hem e(n)nige betalinge gedaen hadden tot xxiiii rinsguld(en)/ p(rese)nte(re)nde alnoch van des zij in dien yet tacht(er) bevonde(n) souden/ moegen wordden navolgen(de) den vorweerden voirmaels dairaff/ gemaect altijt te voldoene met enigen coste(n) vand(en) bo(m)mene(n)?/ oft anders die hij den dorpe rekenen(de) was hoepen(de) dair mede/ te gestaene met meer worden in weder zijden gesciet es gecleert/ ende uuytgesproken bijder wet om de voirs(creven) partien te v(er)e(n)nigen/ dat de voirs(creven) vanden dorpe gestaen zullen mett(er) p(rese)ntacien voirs(creven)/ zonder in dien noch t(er) tijt voirde(re) gelast te worddene ende/ om deswille dat de voirs(creven) drossete allige(re)n mach zeke(re) costen
//
ende moytenissen e(n)nichssins gehadt te hebbene aengesien dat die/ vanden dorpe hem gheen toeseggen gedaen en hadden noch in dien/ last gegeven mair altijt te voe(re)n selve in persoene bereet geweest/ hebben in alle diensten van waken(e) ende anderssins en(de) alnoch/ zijn dat hij die costen ende lasten in dien soude moege(n) reken(en)/ ende nemen aende goede ende demeynen vanden heerscape/ van rotselair oft aen alsulke(n) rinten als die van nurrode op/ dlant van rotselair heffende zijn de welke bij confiscacien nae/ den loepe des tijts bij m(ijn) hee(re) van chanterain inden name van he(re)n/ ph(i)l(ip)e van cleves aenveert moegen wesen ende gelijc e(n)nige/ hier omtrint van fortressen alhier staende int bewae(re)n van dien/ gedaen moegen hebben totten welke(n) de voirs(creven) wethoude(re)n p(rese)nteerden/ den drossete de hant dair aen te houden ende hem in dien te/ assiste(re)n bij m(ijn) hee(re) voirs(creven) nae hue(re)n besten om totten zijnen te/ moegen geraken actu(m) in consilio opidi martii quarta
//