It(em) de voirs(creven) kinde(re) int gemeyne hebbe(n) geloeft elc den ande(re)n/ vanden voirs(creven) lasten ende ande(re)n die zij meer doen zulle(n) om den/ voirs(creven) arnde hue(re)n vader ende arnde hue(re)n brued(er) te lossen(e) uuyten/ gevanckenisse dair zij nu inne zijn ter hant te staene en(de) die/ te hulpen dragen elc huer(er) nae advenant vanden erfgoeden leen
//
oft ande(re) die hen oft e(n)nigen van hen nae de doot van hue(re)n voirs(creven)/ vader bliven ende versterven zullen alsoe dat de gene van hen die/ meest in die goede deylen zulle(n) ende gericht zijn nae advenant/ van dien oick meer inde voirs(creven) rinte ende alle lasten d(air)om gebue(re)nde/ gelast zulle(n) zijn hebben voirts malcande(re)n geloeft dat gheen/ van hen sijn voirs(creven) goede en zal moege(n) versetten oft vercoepen/ het en zij dat yerst ende voir al de voirs(creven) erfrinte geheelic/ ende al gelost ende afgequeten zal zijn cor(am) eisd(em)
//