Vand(er) aenspraken die jan ghijs gedaen heeft op pete(re)n de/ naen sijne(n) behuweden sone ald(air) de selve jan p(rese)nteerde/ te bewijsen dat de selve pet(er) ond(er) den ande(re)n hem gelooft/ en(de) toegeseyt hadde opte leggen(e) en(de) te v(er)nuegen(e) vand(en)/ coren(en) bij hem gehave(n) vand(er) vrouwen busschop wonen(de)/ opde(n) blauwen putte dwelc sij sculd(ich) was van/ hue(re)n goede(n) willeken ghijs buyte(n) lants sijnde he(m) gecome(n)/ en(de) v(er)storve(n) va(n) m(ar)griete(n) wijlen ghijs sijnd(er) moed(er)/ sust(er) des voirs(creven) jans ghijs zoe v(er)re sij dorste swe(re)n/ ten heyligen dat sij hem gelev(er)t hadde van desselfs wil/ lekens sijns swag(er)s wegen d(air)aff hij dbewint gehadt/ hadde eene(n) seke(re)n tijt van jaire(n) wel gedrage(n)n soe/ jan ghijs dede seggen tusschen de vi en(de) vii mudden core(n)s/ eens hopen(de) oft hij dat bewisen conste dat de selve/ pet(er) gehouden soude sijn hem opte leggen(e) en(de) te betalen/ tgene des de selve vrouwe cle(re)n soude bij eede den/ selve(n) pete(re)n alsoe van dien betailt en(de) gelevert te hebbe(n)/ dair tegen de selve pet(er) ontkynnen(de) dbijleggen des/ voirs(creven) jans seggen(de) dat men niet bevi(n)den en soude dat/ hij yet vand(er) selv(er) vrouwe(n) gehave(n) hadde hij en hadde/ dat voirts op een mudde nae gelev(er)t den ande(re)n zijne(n)/ zwage(re)n en(de) zwegeri(n)nen en(de) al mochte(n) bij hem e(n)nige ge/ luften gedaen zijn dat was geweest ten bijsijne en(de)/ met consente vande(n) ande(re)n kinde(re)n wair bij hij hoopte/ der aenspraken ongehoude(n) te sijne Op dwelck de voirs(creven)/ jan tsijne(n) thoene gewijst sijnde genoech thoende dat pet(er)/ toegeseecht hadde den voirs(creven) janne ov(er) te geve(n) al dat/ hij vander vrouwen sbusschops voirs(creven) ontfange(n) hadde/ behalve(n) dat hijs d(air)aff een mudde te hemweert behoude(n)
//
soude en(de) des aende vrouwe noch te heffen stont dat soude/ pet(er) en(de) de ande(re) kinde(re)n janne ghijs laten trecken en(de) de selve/ vrouwe d(air)op dicwijle ond(er)vraecht cleerde dat zij pete(re)n/ den pacht van meer jae(re)n betailt hadde mair oft va(n) vi/ vii oft viii jae(re)n was en wist zij ind(er) wairh(eit) niet/ te cle(re)n e(m)mer sij cleerde selve ten mynsten van v jae(re)n/ Es gewesen bijde scepen(en) van loven(en) t(er) manissen smeyers/ dat de voirs(creven) pet(er) gehouden sal sijn ja(n)ne ghijs uut/ te reycken de vier mudden vanden vive(n) mudden core(n)s/ nae dat de wairh(eit) gedragen heeft behalve(n) pete(re)n sijnd(er)/ actien vande(n) selve(n) vier mudden aende ande(re) kinde(re) jans/ ghijs dien hij seecht die oft huer p(ar)t van dien betailt/ te hebben in sca(m)pno cor(am) om(n)ib(us) dempto kersmake(re) julii xii