SAL7382, Akte: R°48.2 (86 van 482)
Akte R°48.2
Act
Transcriptie
2012-08-16 door Dirk De WeverWant arnt hanckart die nae des(er) stadt [recht] uut crachte va(n)/scepen(en) brieve(n) va(n) loven(en) come(n) en(de) geleyt es tot allen den/goeden beyde have en(de) erve meest(er) joes couckerouls sijns/swag(er)s soe wair die gelegen sijn hem met andriese/van voshem vorste(r) alle de selve goede bynne(n) d(er) stadt/en(de) vrijh(eijt) va(n) loven(en) gelegen behoirt heeft doen leve(re)n en(de)/den selve(n) andriese dach va(n) rechte te compare(re)n inde/banck voir meye(r) en(de) scepen(en) van loven(en) oft hij hem tegen de/voirs(creven) leveringe hadde willen oppone(re)n heeft doen besceyden/ald(air) hij niet en compar(er)de noch p(ro)cur(eur) van sijne(n) wege(n)/den voirs(creven) arnde compare(re)nde en(de) trecht voirt v(er)sueken(de)/Soe hebben scepen(en) van loven(en) t(er) manissen smeyers nae dat/hen behoirl(ijck) gebleken hadde bij cleernissen des voirs(creven) vorst(er)s/de voirs(creven) executie geschiet te sijne gewesen voir een/vo(n)nisse soe v(er)re de wed(er)p(ar)tie vanden geleydden niet/en compar(er)t ten opstaen(e) va(n) meye(r) en(de) scepen(en) dat men/den selven geleydden vande(n) voirs(creven) goeden houden soude inde/macht van sijne(n) scepen(en) brieve(n) alsoe v(er)re alst noch voir/scepen(en) come(n) es in sca(m)pno julii xix/
Nagekeken door: Inge Moris , Jos Jonckheer
Moderator: Inge Moris
Laatste update:: 2012-08-16 door Inge Moris