It(em) de voirs(creven) verobligeerde p(er)soenen hebben hen alsnu v(er)oblig(er)t/ voe(r) de so(m)me van thien duysent rinsguld(en) eens te [lx] pl(a)c(ken) tstuck/ diemen ten yersten datmen zal connen en(de) moegen vinde(n) zal/ in erfeliken rinten den d(enier) achtien en(de) in lijfpen(sien) te twee/ liven den d(enier) thiene d(air) aff den valdach zijn zall ten zelve(n)/ dage als tghelt gegeve(n) zijn zall oft in geleende(n) gelde/ tott(er) zelv(er) so(m)men voirs(creven) en(de) niet voirde(r) en(de) al navolgen(de)/ der cedullen bijden leden vanden bynnen en(de) buyte(n) raide
//
geconcipieert en(de) navolgen(de) oick den brieve(n) van ontheffen(e) hen/ bijd(er) stadt dairaf gegeven van welken cedullen en(de) brieven/ hier ond(er) volgen(de) es de tenure ende hebben geloeft de voirs(creven)/ verobligeerde persone indivisim en(de) yegelijck van hen den ande(re)n/ in gevalle zij oft e(n)nich van hen hier naemaels voe(r) de betali(n)ge/ der voirs(creven) co(m)meren ende lasten bescadicht wordde(n) oft werde/ dat zij d(air)aff malcande(re)n t(er) stont d(air)nae t(er) hant staen zulle(n)/ ten gelijcken laste om de voirs(creven) co(m)me(re)n costen ende lasten die zij/ uut saken van dien geleden souden moegen hebben opde/ stat ingeseten(en) en(de) hue(re) goede navolgen(de) voirg(enoemt) ende zoe/ zij and(er)ssins best zulle(n) come(n) en(de) moegen te verhalen alsoe/ dat hen en(de) elken van hen dat tot eeuwigen dagen genoech/ zal moegen zijn cor(am) eisdem/ Hier nae volgt de cedulle dairaff boven mencie/ gemaect es/ Avijs ende rami(n)ge vand(en) stadt ende buyten raide om te/ vervallen(e) de groote lasten dair de stadt nu inne steet gesciet/ octobr(is) x anno lxxxviii/ Ierst datmen tcleyn bier setten zal op eene plecke den pot/ tgroot bier nae advenant/ Item wantmen van elken brousel vanden cleynen biere aldus/ geven soude drie croonen metter eend(er) croenen te voe(re)n dairop/ gesedt ende boven de ass(ijsen) soe es de meyni(n)ge dat den peghel/ alsoe vele gecort zall worden van elken brousel als de een/ croene soude moegen gedragen ende alsoe zalmen betalen/ van elken brousel cleyns biers opden sack ende t(er) stont sonder/ de loepen(de) ass(ijsen) twee croenen/ Ende tdobbel bier nae advenant/ Item datmen van elken osse boven de loepen(de) en(de) vercochte/ ass(ijsen) betalen sal drie stuvers/ Item de coeye ende rinden twee stuv(er)s/ Item tscaep een plecke/ Item van elken verkene boven de ass(ijsen) te weten(e) den xvi[te(n)]/ pe(n)ninck salmen geven eenen halven stuver
//
Ende alle ande(re) beesten gelijc calve(re)n la(m)meren (et)c(etera) nae avenant/ ende al boven de vercochte ende gewoenlike ass(ijsen) tderdendeel/ vand(er) selv(er) ass(ijsen) op elc stuck staende/ Item van elker amen groefs wijns gelijc rinssche beanen der gelike/ ende sueten dranck etc(etera) diemen hier bynnen zall inne leggen/ het zij tappers oft ande(re) boven de ass(ijsen) eenen rinsguld(en)/ Item dese lasten sullen alle de ingeseten(en) moeten drage(n) vanden/ beesten voirs(creven) die zij zullen moegen slaen alsoe wel als de/ vleeschouwers ende t(er) stont tselve moeten opleggen en(de) betalen/ boven de vercochte ende gewoenlike ass(ijsen) en(de) tselve moete(n) voirts/ bringen op eenen cuer bynne(n) eenen zeke(re)n daige nae dat zijt/ alsoe geslagen zullen moegen hebben/ It(em) hieraf te bidden(e) de hee(re)n vander univ(er)siteyt dat zij de hant/ hier ane houden willen tot dat de jegewoirdige lasten die nu zijn/ ende uut saken van desen souden moegen gebue(re)n vervange(n) zullen/ wesen oft e(m)mers ten mynsten eenen seke(re)n tijt ende van gracien/ aengesien dat dese lasten gemeyn zijn en(de) om elcx besorch/ It(em) de meyni(n)ge es datmen t(er) stont om de lasten vande(n) soudeniers/ diemen alhier onderhult bij avijse vanden capiteyn loepen(de) tusschen/ de vi en(de) vii hondert te voete zonder de peerde en(de) ande(re) lasten/ die toevallen(e) souden moegen zijn vercoepen zall tot duysent/ rinssche gulden(en) tsjaers in lijfpen(sien) te twee liven ende den pe(n)ninck/ thiene oft erfelic den pe(n)ninck achtiene oft bij leeni(n)gen tott(er) so(m)men/ van thien duysent rinsgulden(en) eens ende met dair boven ende/ al ter quitingen in welker so(m)men van thien duysent rinsguld(en)/ eens begrepen zullen wesen de pe(n)ningen diemen aen de ingeseten(en)/ alhier geestelijc ende weerlijc ontleent heeft ten tijde van desen/ tegewoirdigen noode/ Item dat o(m)me de voirs(creven) so(m)me te gecrigen(e) hen veroblige(re)n/ souden zeke(re) private persoenen vanden raide en(de) buyte(n) raide/ vander stadt diemen dair toe noemen soude te weten(e)/ raes van graven et alii prout habentur in obligatione p(re)ceden(tes)/ incip(ere) Item raso de gravio arnoldus vande(n) hove burgim(a)g(istre)n (et)c(etera)/ die dbewint van desen pe(n)ningen comen(de) vanden hoochsele(n) voirs(creven)/ zulle(n) hebbe(n) ende d(air)toe stellen dient hen belieft om die te/ toblige(re)n ende inne te halen om de p(ri)ncipale d(air) en(de) co(m)me(re)n totte(n)/ voirs(creven) x[m] toe af te leggen(e) hen d(air)mede te lossen(e)
//
Item dat desen voirs(creven) last op dbier ende vleeschuys en(de) ande(re)/ ingeseten(en) zal bliven staen(e) tot dat allen den co(m)mer ende last/ totter so(m)men voirs(creven) die als voirs(creven) steet om den noot tegewordich/ oft die toecomen(de) soude moege(n) zijn gedaen ende gemaect zal werden/ het zij bij vercoepen(e) ontleenen(e) oft anderssins v(er)va(n)gen zall wesen/ ende vernueght ende de persoenen dair voe(r) staen(de) gelost ende/ niet afgestelt werden oft bezweert zonder tconsent vande(n) genen/ die hen als voe(r) veroblige(re)n zullen ende elken van dien/ Item de persoenen die hen verbinden zulle(n) voe(r) den voirs(creven) co(m)mer/ ende der stadt zullen dbewint hebben ende toesien met dien/ vanden registre oft e(n)nige die zij d(air)toe zulle(n) co(m)mitte(re)n om de/ pe(n)ningen diemen ten co(m)me(re) oft and(er)ssins zal moegen crighen/ totter voirs(creven) so(m)men van thien duysent rinsgulden(en) eens en(de)/ niet voirde(r) die te geven(e) dair dat van noode wesen zall en(de)/ behoiren desen tegewoirdigen noode aengaen(de) ende nergens els/ ende dairaf houden eene(n) boec ende registre bij hen selven/ van ontfange ende uutgeven(e) dair mede dat zij de rekeni(n)ge/ ende dbewint van dien zullen moegen doen alst tijt geve(n) zal/ tot huer(er) ontlastingen ende dair toe nemen eenen clerc vanden/ registre die dbewint vanden zelven uutgeven(e) ende ontfanghe/ met eenen contrereg(ist)re ende boeke houden zal ende al van/ eender hant/ Item men zal den persoenen die hen veroblige(re)n zullen/ boven dien dat zij dbewint vanden inheffe(re)n hebben zullen/ oft doen doen (et)c(etera) geve(n) behoirlike brieven onder d(er) stadt zegel/ van ontheffe(re)n ende de selve behoefte teken(en) inder stadt boeke(n)/ tot huer(er) ontlastingen/ Item hoe wel de stadt int verleggen ende maken(e) van desen/ co(m)me(re) comen moet mits den loep vanden tijde soe es nochtan/ de meyni(n)ge ende tvoirneme(n) der zelv(er) want gemeyne lasten/ zijn alsoe wel den buyten lieden aengaen(de) als den bynnen lieden/ datmen die naemaels eensdeels opdat doenlijc zij r(e)convere(re)n? zal/ aen de steden ende platten landen onder den bedrive van des(e) stadt/ alsoe oic e(n)nige toegeseet hebben te weten(e) die van thienen etc(etera)/ en(de) den raidt alsdan in dien gedragen zall
//
It(em) dat de gesworen(en) scepen(en) ende raidt vand(en) stadt en(de)/ den geheele(n) buyte(n) raidt nu zijnde ende die toecomen(de) zullen/ wesen ende oic de gemeyne ambachten op sinte loys dach jairlijcx/ op hue(re)n eedt swe(re)n zullen dese tegewoirdige ass(ijsen) ende hoechselen/ niet af te stellen oft te bezwee(re)n tott(er) tijt toe dat desen tegewoirdige(n)/ co(m)mer ende last vervalle(n) zall wesen ende de selve p(er)soene(n) gelost/ noch zonder consent vanden selve(n) verobligeerde(n) persoenen in/ egheend(er) manie(re)n/ Nae dien dat e(n)nige zwarich(eyt) gebuert es inde twee crone(n) comen(de)/ vande(n) cleyne(n) byere ende oic int avenant vanden g[(r)o]ten byere mits/ dien dat die vanden regi(ste)re vander stadt hielde(n) dat hen deen/ crone hen volgen soude tot behoef van zeke(re)n co(m)me(re)n hier voirmaels/ gemaect d(air)af de borgen vande(n) thien duysent r(insch)g(ulden) voirs(creven) navolgen(de)/ den ov(er)drage ende cedulle(n) voirs(creven) sustineerden dat de twee crone(n)/ voirs(creven) ende oic davena(n)t vande(n) groten byere in dien hen volgen soude/ tot huer(er) lossingen es gecleert ende ov(er)dragen bijden raide vander/ stadt dat de voirs(creven) twee croone(n) vanden cleynen byere en(de) oic davena(n)t/ in dien vanden g[(r)o]ten byere navolgen(de) der voirs(creven) cedulle(n) den borgen/ vanden thien duysent voirs(creven) volge(n) ende blive(n) zulle(n) tot huer(er) lossingen/ act(um) in (con)silio novembr(is) iii[ta]/ Hier nae volgen de brieve/ Wij borg(er)meeste(re)n scepen(en) gesworen(en) raet guldeken(en) rintmeeste(re)n/ goede ma(n)nen vanden geslechten geswoe(re)ne vand(en) ambachten/ en(de) alle ande(re) ingeseten(en) der stadt van loven(en) doen condt ende/ kenlijck allen ende yegeliken die dese onse tegewoirdige l(ette)ren/ zullen zien oft hoiren lesen want onse lieve ende wel/ geminde medebrued(er)s in raide en(de) buyten raide te weten(e)/ raes van graven arnt vanden hove borg(er)meest(er)s m(er)ten van/ oppendorp meest(er) reynier van lyefkenrode claes de kersmake(re)/ peet(er) vander hoeve(n) scepen(en) roelof van berthem lonijs va(n) udeke(m)/(christ)iaen de nausnyde(re) jan vanden hoevelde jan van hoelair/ symoen h(er)mans geswoe(re)ne h(er) jan pynnock ridde(re) cornelis roelofs/ jan de wairsege(re) van wegen der goeder ma(n)nen vand(en) geslechte(n)/ cornelis van berghen jan van coelen deken(en) henr(ic) oege platij(n)make(re)/ jan moeleman briede(r) gheert zeels molde(re) anthonijs van wynge/ vleeschouwe(re) joes van caversoen pelsmake(re) arnt vand(er) moelen geheete(n)
//
m(er)celis vette(re) henrick vander horst barbier henr(ic)/ van vlaenderen vetwarier willem hubrechts/ fruytenier ende jan hubrechts cleermake(r)/ als gesworene vanden ambachten van wege(n)/ der nacien represente(re)nde alle de vier leden/ vander stadt voirs(creven) hen in onsen noode/ ende tegewoirdigen lasten tonser begheerten/ ende navolgende zeke(re)n onsen overdrage ende/ concepten bij ons gemeynlijck d(air) op gemaect/ opden dach van heden verobligeert hebben/ aen diverse persoenen ende ingesetenen van/ des(e) stadt soe in erffeliken rinten den pe(n)ninck/ achtien in lijfpensien te twee liven den/ pe(n)ninck thiene soe in geleenden ghelde/ totter so(m)men toe van thien duysent rinsgulden(en)/ te tsestich plecken elken rinssche gulden(en) soe/ eest dat wij geloeft hebben ende mits/ desen onsen tegewoirdigen l(ette)ren geloven in/ goeden trouwen alle de voirs(creven) persoenen/ ende hue(re) nacomelingen en(de) elken besundert/ ende hue(re) goede tegewoirdich ende toecomen(de)/ beruerlijck ende omberuerlijck mair die belegen/ zijn oft bevonden zullen moegen wordden/ scadeloes te houden ende tontheffen van/ allen den co(m)meren ende lasten voirs(creven)/ die zij totter so(m)men voirg(enoemt) ende niet voirde(r)/ in onsen noot ende orbe(re) wille eensdeels/ gedaen hebben ende noch doen zullen/ met oick allen costen ende lasten die zij
//
oft e(n)nich van hen oft huere nacomelinghen/ in persoene oft goeden in e(n)nigher manieren/ lijden zullen moegen alsoe dat hen ende/ hue(re)n nacomelingen genoech zall moege(n) zijn/ geloven(de) voirts mits desen de hoochselen/ vand(en) assisen vanden byere en(de) vleeschuyse/ ende andere hoechselen ind(en) maten tselve/ bijden leden overdragen es te laten hue(re)n/ ganck hebben ende te doen comen in der/ voirs(creven) persoenen handen oft hue(re)n geco(m)mitteerden/ tot ontlastingen vanden voirs(creven) co(m)me(re)n navolgen(de)/ den selven overdrage bij zekeren cedullen/ dairaff gemaect sonder die(n) af te stellen/ oft voirde(r) te belasten in e(n)niger manieren/ het en zij bij huer(er) allen consente ende/ oic tot dat zij vanden lasten voirscr(even)/ gelost zullen zijn metgaders oic van/ allen costen ende lasten die zij dair om/ als voe(r) geleden souden he moege(n) hebben/ ende oft zij oft e(n)nich van hen hier voe(r)/ gepraemt wordden oft wordde oft scadeloes/ bevonden dat wij dat ter stont zullen doen/ opleggen ende betalen het zij van pachten/ costen oft lasten ende anderssins tot hueren/ simpelen seggen(e) zonder eedt oft ande(re) proeve/ dair toe te derven doene verbinden(de) oick/ mits desen hier voe(r) alle onse en(de) der voirs(creven)/ ingesetenen goede beruerlijck en(de) omberuerlijck/ wair die gelegen zijn oft bevonden zullen
//
moegen wordden in allen behoirlike(n) formen/ ende manieren dat doenlijck zij om alle/ co(m)meren scaden ende lasten die zij oft e(n)nich/ van hen als voe(r) dairom souden moege(n) lijden/ te verhalen onder wat gerichte gheestelijck oft/ weerlijck dat dat gebueren mochte geloven(de)/ oick te doen insereren ende innesetten/ ind(en) eedt die de raetsluden scepenen/ van deser stadt ende buyten raide jairlijcx/ in tijden toecomende doen zullen int/ aencomen van huer(er) officien dat zij de/ lasten comende uuyten co(m)mere ende finan(cien)/ voirs(creven) metten principalen zulle(n) doen drage(n)/ ende betalen vander stadt wegen ende/ de voirs(creven) persoene ende elc van hen huere/ goede ende nacomelingen costeloes ende/ scadeloes houden ende dairaff ontheffen/ in alle der manieren voirscreven alsoe/ dat den zelven genoech zall moegen/ wesen ende dat wij den voirs(creven)/ verobligeerden persoenen oft hueren/ nacomelingen ende elken van hen ten/ coste vander stadt zullen doen hebben/ oft hen gelieft ende zijs begheeren zullen/ dese onse tegewoirdighe brieve behoirlijck/ geexpedieert om hen tegen ons en(de) onse/ ende der innegeseten(en) goede voirs(creven) wair/ die bevonden zullen moegen wordden
//
te behulpen(e) ter ontlastingen voirscreven/ des ter kynnessen hebben wij borg(er)meeste(re)n/ scepenen ende raidt der stadt van loven(e)/ voirs(creven) den zeghel ten saken der zelver/ stadt aen dese lettren doen hanghen/ opten vijftiensten dach der maent van/ octobri int jair ons hee(re)n duysentvierhond(er)t/ ende achtentachtentich